i daha da qəzəbləndirdi. Qəzəb saçan gözünü Səlimə dikdi və bir az yaxına gələrək asta səs ilə danışdı.
-Bilirsən, mən nə edərdim?...-susdu. Sanki sözləri daha yaxşı seçmək istəyirdi. Sükut çökdü araya. Aylinin gözləri uzaqlara daldı. Səlimin ona baxaraq hələ də cavab gözlədiyini görüb sözünə davam etdi,- Sevdiyim varkən, əsla başqa biri ilə evlənməzdim mən, Səlim, -dedi və içəri girdi. Səlim də onun arxasından baxa qaldı. "Doğrudan da, axı bu nə oyundu ,mən girişdim. İndi də qalmışam belə vəziyyətdə",-dedi öz - özünə və yavaş addımlarla Aylinin ardından içəri girdi.
Yemək Aylin və Səlim üçün elə də şən keçmədi. Arada gözləri qarşılaşırdı. Tez də gözlərini qaçırırdılar.Nigar və Samir isə yaxşı anlaşırdılar. Samirin şənliyində də bir az söhbət etmişdilər. Hətta karaoke də ifa etmişdilər.Əli gəlməsəydi, bəlkə,daha yaxın münasibət qura bilərdilər.Nigarla bağlı elə bir ümid qurmaq düzgün olmasa da,Samir özünə əngəl ola bilmirdi.Əlinə düşən bugünkü fürsəti Samir əldən vermək istəmirdi. Nigarla söhbətləşərək onu daha yaxşı tanımağa çalışırdı.Hətta bir- birinə bənzər çox xasiyyəti vardı onların. Məsələn ,ikisi də ən çox Titanik filmini sevirdi. Toyuq yeməyi sevmirdilər. İkisi də Müşviqin "yenə o bağ olaydı" şeirini çox sevirdi.
-Yenə o bağ olaydı .
Yenə sizə gələydik.
Danışaydıq ,güləydik.
İkisi də xorla şeiri deməyə başlamışdılar. Beləcə söhbətləri uzanmışdı. Hər şeydən danışırdılar. Mövzular ard-arda davam edirdi. Səlim ilə Aylin isə söhbətdən uzaqda qalmışdılar.
-Uşaq vaxtı həmişə pilot olacam ,deyirdim.. Arzum idi,-Samir danışdıqca Nigar onu maraqla dinləyirdi.
-Bəs sonra nə oldu? - Nigar təəssüflə soruşdu.
-Nə bilim valla. Böyüdükcə sanki arzular dəyişir. Yüksəklik mənə görə deyilmiş. Onu anlayanda daha bu fikirdən əl çəkdim,-deyib gülümsədi.Məsələn, Səlim müğənni olmaq istəyirdi, -deyib güldü. Səlimin ona göz ağartmasına əhəmiyyət verməyən Samir Aylinə baxaraq əlavə etdi, - Hətta, Aylin, bilirsən, nə qəşəng gitara çalır?"
Aylin həqiqi