Ümumi məlumat

Azərbaycanın ilk ordeni respublikada sovet hakimiyyəti qurulduqdan sonra Azərbaycan İnqilab
Komitəsinin sərəncamı ilə təsis edilən Azərbaycan SSR-in “Qırmızı Bayraq” ordeni olmuşdur. Hazırlanmasında
RSFSR-in “Qırmızı Bayraq” ordeni əsas kimi götürülmüş, 1920 ilin noyabrından təqdim olunmağa başlanmışdı;
ikinci orden Azərbaycan SSR-in “Qırmızı Əmək Bayrağı” ordeni idi; hazırlanması üçün 1921 ilin iyununda
müsabiqə elan edilmiş, 1922 ildə Azərbaycan MİK sessiyası yeni ordenin şəklinin layihəsini və Ümumi
əsasnaməsini təsdiq etmişdir. Hər iki ordenlə təltifolunma 30-cu illərin ortalarından dayandırılmışdır. 1991-ci
ildə Azərbaycan Respublikası müstəqilliyini elan etdikdən sonra Azərbaycan Respublikasının orden və
medallarının təsis edilməsi haqqında Azərbaycan Respublikasının 1992 il 10 noyabr tarixli Qanunu, həmin
Qanuna dəyişikliklər və əlavələr edilməsi barədə 1993 il dekabr tarixli Qanunu, həmçinin 2003 il 7 noyabr
tarixli və 2005 il 22 aprel tarixli qanunları ilə aşağıdakı ordenlər təsis edilmişdir: “Heydər Əliyev” ordeni;
“İstiqlal” ordeni; “Şah İsmayıl” ordeni; “Azərbaycan bayrağı” ordeni; “Şöhrət” ordeni; “Vətənə xidmətə görə”
ordeni. 12 mart 2007-ci il tarixli Azərbaycan Respublikasının Qanunu ilə "Şərəf" və "Dostluq" ordenləri təsis
edilmişdir.
Azərbaycan Respublikasının ən yüksək təltifi olan “Heydər Əliyev” ordeni Azərbaycan Respublikasının
vətəndaşlarına Azərbaycanın tərəqqisinə, əzəmətinin və şöhrətinin artmasına müstəsna töhfə verən xidmətlərinə
görə; Vətənin müdafiəsində, Azərbaycanın dövlət mənafelərinin qorunmasında göstərilmiş mərdlik və şücaətə,
həmçinin xarici vətəndaşlara Azərbaycan Respublikası qarşısında görkəmli xidmətlərinə görə verilir.
“İstiqlal” ordeni Azərbaycan Respublikasının vətəndaşlarına Azərbaycan Respublikasında milli azadlıq
hərəkatında müstəsna xidmətlərinə, Azərbaycan Respublikasının dövləti və xalqı qarşısında xüsusilə görkəmli
xidmətlərinə, Azərbaycan Respublikasının milli