"Hərbi xidmətdə fərqlənməyə görə" medal

Azərbaycan Respublikasının "Hərbi xidmətdə fərqlənməyə görə" medalının
Əsasnaməsinin və təsvirinin təsdiq edilməsi haqqında
Azərbaycan Respublikasının Qanunu

Azərbaycan Respublikasının Milli Məclisi qərara alır:
I. Azərbaycan Respublikasının "Hərbi xidmətdə fərqlənməyə görə" medalının Əsasnaməsi və təsviri təsdiq
edilsin (əlavə olunur).
II. Bu Qanun dərc edildiyi gündən qüvvəyə minir.
Heydər ƏLİYEV
Azərbaycan Respublikasının Prezidenti
Bakı şəhəri, 17 may 2002-ci il
№ 327-IIQ
* * *
"Hərbi xidmətdə fərqlənməyə görə" medalı haqqında
Əsasnamə
Azərbaycan Respublikasının 2002-ci il 17 may
tarixli, 327-IIQ nömrəli
Qanunu ilə təsdiq edilmişdir
1. "Hərbi xidmətdə fərqlənməyə görə" medalı ilə Azərbaycan Respublikası Silahlı Qüvvələrinin hərbi
qulluqçuları aşağıdakılara görə təltif edilirlər:
- döyüş hazırlığındakı əla göstəricilərə görə;
- təlimlərdə, döyüş xidməti və döyüş növbəsində xüsusi fərqlənməyə görə;
- şücaət, fədakarlıq və hərbi xidmət keçdiyi dövrdə göstərdiyi digər xidmətlərə görə.
2. "Hərbi xidmətdə fərqlənməyə görə" medalının üç dərəcəsi vardır:
- "Hərbi xidmətdə fərqlənməyə görə" 1-ci dərəcəli medal;
- "Hərbi xidmətdə fərqlənməyə görə" 2-ci dərəcəli medal;
- "Hərbi xidmətdə fərqlənməyə görə" 3-cü dərəcəli medal.
1-ci dərəcəli medal ən ali dərəcədir.
3. "Hərbi xidmətdə fərqlənməyə görə" medalı döşün sol tərəfinə, Azərbaycan Respublikasının digər orden
və medalları olduqda "Hərbi xidmətlərə görə" medalından sonra taxılır.
* * *
"Hərbi xidmətdə fərqlənməyə görə" 1-ci, 2-ci və 3-cü dərəcəli medalın
təsviri
Azərbaycan Respublikasının 2002-ci il 17 may
tarixli, 327-IIQ nömrəli
Qanunu ilə təsdiq edilmişdir
"Hərbi xidmətdə fərqlənməyə görə" medalı üzərində ağ rəngli aypara və səkkizguşəli ulduz yerləşdirilmiş
ensiz lövhə ilə birgə bürüncdən tökülmüş, dairəvi formalı və diametri 35 mm girdə lövhədən ibarətdir.
Medalın ön tərəfində üst səthi hamar və guşələri