“Cəsur döyüşçü” medalı
“Cəsur döyüşçü” Azərbaycan Respublikasının medalı haqqında
ƏSASNAMƏ
Azərbaycan Respublikasının 2020-ci il
26 noyabr tarixli
Qanunu ilə təsdiq edilmişdir
Maddə 1. Təltif edilən şəxslər
“Cəsur döyüşçü” Azərbaycan Respublikasının medalı ilə Azərbaycan Respublikasının işğal edilmiş
ərazilərinin azad olunması zamanı müstəqil və ya digər qoşun növləri ilə birlikdə strateji və ya xüsusi
əhəmiyyətli ərazilərin tutulması üzrə döyüş tapşırıqlarını uğurla yerinə yetirmiş, havada və yerdə düşmənin əsas
qruplaşmalarını və texnikasını məhv etməklə qoşunlarımızın döyüş qabiliyyətinin qorunub saxlanılmasında
fərqlənmiş Azərbaycan Respublikası Silahlı Qüvvələrinin hərbi qulluqçuları təltif edilir.
Maddə 2. Təltif edən orqan
“Cəsur döyüşçü” Azərbaycan Respublikasının medalı ilə bu Əsasnamənin 1-ci maddəsində göstərilən
şəxslər Azərbaycan Respublikası Konstitusiyasının 109-cu maddəsinin 23-cü bəndinə uyğun olaraq təltif
edilirlər.
Maddə 3. Taxılma qaydası
“Cəsur döyüşçü” Azərbaycan Respublikasının medalı döşün sol tərəfinə, Azərbaycan Respublikasının
digər orden və medalları olduqda, “İgidliyə görə” medalından sonra taxılır.
“Cəsur döyüşçü” Azərbaycan Respublikası medalının təsviri
Azərbaycan Respublikasının 2020-ci il
26 noyabr tarixli
Qanunu ilə təsdiq edilmişdir
Maddə 1. Medalın ümumi təsviri
“Cəsur döyüşçü” Azərbaycan Respublikasının medalı
(bundan sonra – medal) diametri 38 mm olan, bürüncdən
tökülmüş və qızıl suyuna çəkilmiş səkkizguşəli lövhədən
ibarətdir.
Maddə 2. Medalın ön tərəfi
2.1. Medalın ön tərəfində səkkizguşəli lövhə dekorativ
naxışla bəzədilmiş zolaq ilə konturlanmışdır.
2.2. Konturun içərisində xarici və daxili çevrələrlə
konturlanmış dairəvi lövhə yerləşdirilmişdir.
2.3. Xarici və daxili çevrələrin arasında yuxarı qövs
boyunca “CƏSUR DÖYÜŞÇÜ” sözləri yazılmış, aşağı qövs
boyunca milli ornamentlər təsvir olunmuşdur.
2.4. Daxili çevrənin içərisində iki kəsişən qılınc və
qalxandan ibarət