Döş nişanları
Azərbaycan Respublikası Milli Məclisi deputatının döş nişanı
Azərbaycan Respublikası Milli Məclisi deputatının döş nişanı və vəsiqəsi haqqında
Azərbaycan Respublikası Milli Məclisinin Qərarı
Azərbaycan Respublikasının Milli Məclisi qərara alır:
1. Azərbaycan Respublikası Milli Məclisi deputatının döş nişanı və vəsiqəsi haqqında əsasnamələr,
onların təsviri təsdiq edilsin (əlavə olunur).
2. Müəyyən edilsin ki, döş nişanının və deputat vəsiqəsinin nömrəsi olur. Birmandatlı seçki dairələrindən
seçilmiş deputatların vəsiqələrinin və döş nişanlarının nömrələri seçildikləri dairənin nömrəsinə uyğun olur,
həmçinin seriya — «BD» (birmandatlı dairə) göstərilir. Çoxmandatlı seçki dairəsindən seçilmiş deputatların
vəsiqələrinin və döş nişanlarının nömrələri isə bu deputatların əlifba qaydasında verilmiş soyadlarının sıra
nömrəsinə uyğun olur, həmçinin seriya — «ÇD» (çoxmandatlı dairə) göstərilir.
Azərbaycan Respublikası Milli Məclisinin sədri
Bakı şəhəri, 12 dekabr 1995-ci il
№ 11-IQR.
***
Azərbaycan Respublikası Milli Məclisi deputatının döş nişanı haqqında
Əsasnamə
1. Azərbaycan Respublikası Milli Məclisi deputatının döş nişanını Milli Məclisin deputatına Milli
Məclisin sədri təqdim edir.
2. Azərbaycan Respublikası Milli Məclisi deputatının döş nişanı döşün sol tərəfinə taxılır.
3. Azərbaycan Respublikası Milli Məclisi deputatının səlahiyyət müddəti qurtardıqda və ya onun
səlahiyyətinə vaxtından əvvəl xitam verildikdə döş nişanını taxmaq hüququna xitam verilir.
4. Azərbaycan Respublikası Milli Məclisi deputatının səlahiyyət müddəti qurtardıqda döş nişanı Milli
Məclisin deputatı seçilmiş şəxsdə qalır.
5. Azərbaycan Respublikası Konstitusiyasının 89-cu maddəsinin birinci hissəsinin 1-ci, 2-ci, 3-cü, 6-cı
bəndlərində nəzərdə tutulmuş hallarda Azərbaycan Respublikası Milli Məclisi deputatının səlahiyyətinə
vaxtından əvvəl xitam verildikdə döş nişanı Milli Məclisin aparatına qaytarılmalıdır.
***
Azərbaycan Respublikası Milli