ə boşanmaq qərarına gəlsə , mən sevə-sevə razılaşacam, - Bahar qürur ilə dilləndi. -Bahar ,o səni biabır edə bilər ,niyə başa düşmürsən? -O nə etsə də haqlıdır. -Elə deyil, bu sənin günahın deyil, amma bir kişi olaraq o bunu qəbul edib, qüruruna sığışdıra bilməyəcək. O hər şeyi bilmədən , öyrənmədən ayrıl ondan və mənə ərə gəl, Bahar, - Sənanın yalvarışları Baharın qulaqlarını qanatmağa başladı. -Əgər deyəcəklərin bu qədər idisə ,mən gedim, - deyə o, tuta bilmədiyi əsəblə ayağa qalxdı və irəlilədi, lakin Sənan ilə görüşüb hər şeyi elə buradaca bitirmək istəyinin axmaqlıq olduğunu elə o an başa düşdü. Sənan onun qarşısını kəsib , Baharın əllərini əlləri arasına aldı. Bundan sonra baş verənləri daha artıq izləyə bilməyən Yaşar təbii olaraq dayandığı yeri daş ayaqlarını sürütkləyərək tərk etmişdi. O ,nə Baharın Sənani itələməsini gördü, nə dediyi acı sözləri eşitdi. Axı Yaşar artıq Baharın Nuraydan heç nə ilə fərqlənmədiyi damğasını az öncə baş verənlər ilə qoymuşdu. Yox! Bir də heç vaxt! Bir də heç kim onu belə incitməyəcəkdi. Bəsdi daha! Yaşar həyat yoldaşını onların otaqlarında qarşıladı. Ərini evdə belə tez görməyə alışmayan Bahar az öncə Sənan ilə görüşdən gəldiyini bilən birinə bənzəyən Yaşara təəccüb və həyəcan içərisində baxdı və dərhal üzünə gülüş qondurdu. Bu gülüş Yaşarın dodaqlarında ikrah ilə qarşılanmışdı. - Belə tez gəlmisən?- Bahar bir daha gülümsəməyə cəhd etdi; bu dəfə gülüşünü daha inandırıcı etməyə çalışmışdı. -Hə, bu gün səni kursdan götürmədim deyə tez bitdi isim., - Yaşar ayağa qalxdı və ona tərəf addımladı -Bəs sən? Sənin də rəfiqələrin ilə işin tez bitib deyəsən, - Baharın qarşısında dayanaraq gözlərinin içinə baxdı. Bu saf görünən (əslində isə elə olmayan) qızın indi bir şansı var idi: ya hər şeyi olduğu kimi Yaşara danışır və ən azından günahının yarısını ödəmiş olur, ya da artıq hər şeyin bitiş nöqtəsini qoymaq üçün yenidən yalan danışır. Bahar yumruqlarını sıxdı, təbəssümünü dodaqlarına məcburən, çox bərk ,qopacağı bilindiyi halda belə