n sonra heç vaxt sevə bilməyəcəyini düşündüyü halda həyatına Bahar gəldi. Onun üzünə gülüşü, ürəyinə sevgini qaytardı. Hətta heç vaxt Nuray ilə yaşamadığı hisleri məhz onun gözündə hamıdan saf olan bu qızcığaz yaşatdı ona. Ona toxunmağa belə qıymazdı. Hər onun dodaqlarını özünə tabe etdikdən sonra irəli getmək istəyini Baharın tit-tir əsən bədəninin təsiri ilə içində boğurdu. Bahar onunla yaxınlığa- öz əri, ona haqqı çatan insan ilə yaxınlığa qarşı çıxır, amma keçmiş sevdiyi ilə görüşə gedirdi; həm də ona yalan danışaraq. Yumruğu stolun üstünə dəydikdən sonra hələ saatlarla ağrısa da ,Yaşar bu ağrını hiss etmir , ancaq sancan ürəyini sakitləşdirmək istəyirdi . Bahar onu götürməyə gələn ərinin üzünə belə baxmamasından nəyinsə qəribə olduğunun fərqinə hələ indi varmışdı. Keçmişdən qurtulmanın xoşbəxtliyi onun gözlərini o qədər kor etmişdi ki, ərinin əvvəlki adam olmadığını daha öncə görə bilməmişdi. Yaşar adətən olduğundan daha sürətli getdiyi yolu dəyişdiyində, hara getdikləri ilə maraqlanan Bahar ərindən cavab ala bilmədi. Və nəhayət onlar Fatehgilin evindən çox uzaqda yerləşən, iki mərtəbəli ,böyük həyətli və görünüşü böyük olduğu halda içərisi xudmani , amma eyni zamanda rahat evin qarşısında dayandılar. Bahar maşından enən Yaşarın arxasınca bir kəlmə də kəsmədən getdi. Ərinin ona cavab verməyəcəyini bilib, artıq sual verməyin lazımsızlığını dərk etmişdi. Dünən Yaşar onlara başqa yerə köçmək lazım olduğunu deyəndə Bahar hər şeyin belə tez olacağını düşünməmişdi belə. O düşünürdü ki, Yaşar ilə birlikdə ev seçəcək, daha sonra ailə üzvləri ilə sağollaşıb oraya köçəcəklər. Yaşar isə heç bir hazırlığa imkan vermədən, belə önəmli addımı təkbaşına atmışdı. İçəri kecdiklərində Bahar hər şeyi başa düşmüşdü. Çox sadə döşənən ev səliqəli və istifadəsiz idi, lakin yeni deyildi. O dərhal burada keçirilən günlərin qəribə ətrini hiss etdi. Bəli, bura Yaşarın keçmiş həyat yoldaşı ilə yaşadığı həmin yer idi. Bunu başa düşmək üçün qonaq otağında divardan asılan şəkli görmək