a bilərsən? Çox xahiş edirəm. Yaşar çevrilmədi, arvadına baxmadı ,heç razılıq da vermədi və dəstəyi endirib otaqdan çıxdı. Onun üçün heç bir məktub önəmli deyildi. Bəlkə də Bahar orada Sənani sevdiyini etiraf edib və ondan ayrılmaq istədiyini yazıb, fərq etməz. Baharın etdiyi eynilə Nurayın etdiyi kimi xəyanət idi və heç bir məktub bunu bağışlada bilməyəcəkdi. Bahar boş durmadı. O bilirdi ki, bu gün etməsə sabah da etməyəcək ,ona görə dərhal hazırlaşdı, çantada olan sonuncu pulunu götürdü və aşağı endi. Tanımadığı bu yerlər ona heç də qorxulu gəlmədi , çünki hal-hazırda hər şey onun üçün asan gəlirdi, daha doğrusu bundan sonra onun həyatı daha asan olacaqdı. Yalansız, əzabsiz , sevgi dolu... Xoşbəxtlikdən evləri ilə üzbəüz hipermarket var idi və Bahar düşünmədən oraya yollandı. Bu axşam Yaşarın sevdiyi bütün yeməkləri hazırlamaq üçün lazım olan hər şeyi aldı və geyim bölməsinə yaxınlaşdı. Bu gün xüsusi geyinməli idi deyə düşünürdü. Bakıya gələn gündən o, ancaq Yaşar ilə butikə gedib nə isə almışdı; sonuncu dəfə isə toy üçün anası ilə alış veriş etmişdi. Bütün əşyaları indi digər evdə olduğu üçün lazım olan hər şeyi almağa pulu çatmadı , amma duş almaq və təmizlənmək, bu gecəyə tam hazır olmaq üçün heç nəyi unutmadı. Bahar bir ad gününü yola verəcək qədər yemək bişirdi, duş qəbul etdi və əyninə yeni aldığı alt paltarlarını keçirdi. Həyatında ilk dəfə idi geyindiyi dizdən yuxarı, ağ rəngli dar don əyninə tam oturmuşdu. Dükanda geyinməyə vaxtı olmadığı üçün güzgüdən özünə baxıb, heç nəydə səhvlik olmadığına görə şükür edirdi. Üzünə azacıq makiyaj etməsi onu bütünlükdə Yaşar ilə keçirəcəyi ilk gecəyə hazır etmişdi. Bəli, bu nəinki Yaşar ilə keçirəcəyi ilk gecə idi, həmçinin də Baharın öz ilk gecəsi sayılırdı. Sənan ilə yaşadığı dəhşəti tamamilə unutmağa hazır idi. Bəsdi artıq , son qoyulsun bütün pis xatirələrə , keçmişdə baş verən hər şeyə! Yaşar ofisinin qarşısında Sənanı görəndə təəccüblənmədi belə. Baharın oxuduğu yeri tapmışdısa , buranı tapmaq heç çətin olmazdı