Bölüm 27

Diqqet 18+

Bahar əyləşdikdən sonra onunla üz-üzə oturan Sənan sadəcə 30 saniyə sonra kafenin iri dördbucaqlı pəncərəsindən onları ürəkağrısı ilə izləyən Yaşarı gördü. Həyat yoldaşını ondan icazəsiz başqa biri ilə (başqa biri dediyimiz onun keçmiş sevdiyi idisə , xüsusilə) görən insanın nə vəziyyətdə olduğunu başa düşmək elə də çətin deyildi. Sənanın da istəyi elə bu deyildimi? Əlbətdə, bu idi. Sənan bəxtəbəxt Baharı görüşə dəvət etdi və nəticədə bir daş ilə dovşan vurdu. Dərhal hərəkətə keçmək zamanı olduğunu bilirdi. Arxası pəncərəyə tərəf oturan qız hər şeydən xəbərsiz olduğu üçün keçmiş sevgilisi onun əlindən tutanda diksindi və geri çəkildi. Lakin qıraqdan və ya çox uzaqdan bu görüntü tamam başqa cür canlanırdı. Bahar kafedə səs-küy yaratmamaq, diqqəti özünə çəkməmək üçün çox ehtiyatla davranmaq məcburiyyətində idi. O, əlini arxaya doğru çəkdi , amma zərif əl Sənanın iki əli arasından çıxmağa müvəffəq ola bilmədi. -Neyləyirsən? Burax!- səsi çox sakit idi, gözləri isə alov saçırdı. -Bahar, yalvarıram, - Sənan sırf anı daha çox uzatmaq üçün dilləndi. -Nə deyəcəksənsə, tez de və mən gedim. Səninlə burada çənə vurmağa vaxtım yoxdur, - Baharın gözləri ətrafda gəzdi. Qız çox qorxurdu. Hər an qarşısında ərini görəcəyi həyəcanı və ona ilk dəfə yalan danışması ikrahı bir-birinə qarışmışdı. Nə bilə idi ki, arxaya çevrilmək ətrafa oğrun nəzərlər ilə baxmaqdan daha önəmli idi. -Niyə , ərin səni gözləyir?- Sənan istehza və ikrah ilə dodağının ucunu qaçırtdı, lakin Baharın üz ifadəsindən bunu deməsi lazım olmadığını başa düşdü. Bahar dərhal ayağa qalxmaq üçün tərpənsə də , Sənan onu qolundan tutub yerinə əyləşdirə bildi. -Bahar , bağışla, elə demək istəmədim. Sadəcə məni dinlə , sonra hara istəyirsən get. Bahar astaca yerinə əyləşdi. Gəlmişdisə , dinləməli və son qoymalı idi deyə düşünürdü. Yaşar yerə yapışan ayaqlarının ağırlığını hiss edir, ürək döyüntülərini qulaqlarında eşidirdi. Bütün bunlar bəlkə yuxu idi deyə gözlərini bir neçə dəfə yumub açdı.