Bolum 8

Bəzən bilmədən,hiss etmədən sevərsən. Elə bir eşq olar ki bu, bəlkə, əcəl belə ayıra bilməz. Hər kəs anlayar sənin içində coşan sevgini, sadəcə sən anlamazsan sevdiyini. Bəlkə də, özünə etiraf etməyə dilin gəlməz, ürəyin qaldırmaz bunu... Nədənsə qorxarsan. Yeni daddığın bu hisslər sənə işgəncə də versə,sənə cənnəti bəxş etmiş kimi gələr. Sevgini qəlbindən qoparıb ata da bilməzsən,deyə də bilməzsən...Sadəcə səssiz-səssiz sevərsən...

Səhəri gün Səlim saatın zəngi çalmamış yuxudan qalxdı. Yuxusu tamam çəkilmişdi. Həmişə yuxudan durmağa çətinlik çəkən Səlimə nə olmuşdu axı? Özünü tamam başqa biri kimi hiss edirdi. Yuxudan duran kimi əl-üzünü yumazdan qabaq ilk öncə Aylinə zəng etdi. Yenə də, ona zəng çatmırdı. Artıq əsəbiləşirdi. Xəbərdarlıq etməsinə baxmayaraq Aylin yenə də telefonu söndürmüşdü. Bir dəfə Nigar Səlimə zəng etmişdi. O vaxt nömrəni qeyd etmək ağlına da gəlməmişdi. İndi təəssüfləndi. Ən azından Nigardan Aylin haqqında öyrənə bilərdi. "Axı mənim nəyimə lazımdır?" - dedi öz - özünə. "Mənimlə danışmaq istəmir,qoy istəməsin. Mən də heç vecimə alan deyiləm". Öz -özünə deyinərək aşağı endi. Masada oturub Gülnarə xalanın süzdüyü çayı içərkən nə qədər vecinə deyilmiş kimi göstərsə də özünü, ürəyi partlayırdı. Ona görə də telefonda google proqramında axtarış bölməsinə Aylinin klinikasının adını yazdı. Əlaqə nömrəsini görüb cəld telefonda o nömrəni yığıb zəng etdi.Bütün cəsarətini topladı. Xəttin o biri ucundan yad bir səs cavab verdi:
-Alo.
-Salam. Aylin Xanım lazım idi.
- Sizə görüş nə vaxta təyin olunub? Hal-hazırda burda yoxdur.
-Yox, heç bir görüş təyin olmayıb... Bəs Nigar xanım ordadırmı?
-Bəli.
-Zəhmət olmasa onunla əlaqələndirin də məni.
-Kimliyinizi deyin,zəhmət olmasa.
-Aylin xanımın yoldaşıyam.
- Aa. Səlim bəy.. Siz Allah bağışlayın, sizi gözlətdim. Mən indi Nigar xanımla əlaqə yaradacam.
-Çox sevinərəm,-dedi. Sanki çiynindəki yükdən qurtulmuşdu. Bir az xətdə gözlədikdən sonra Nigarın səsi gəldi.
-Alo, yeznə,mənəm. Nəsə