Pnevmoniya ağciyərlərin iltihabı olub, əsasən bakteriya, göbələk və ya virusların iştirakı ilə yaranır. Lakin pnevmoniya hava ilə ağciyərlərə düşmüş kimyəvi maddələr tərəfindən də törənə bilər. Pnevmoniya hər hansı uzun müddət davam edən xəstəliklərin (əsasən immun çatışmazlıq və onkoloji xəstəliklər) fəsadı kimi də üzə çıxır. Xəstəlik ağciyər toxumasının bir və ya bir neçə hissəsini tutur. Pnevmoniya zamanı alveol və tənəffüs yollarında maye və digər selikli ifrazatlar toplanaraq həmin nahiyədə qan dövranı durğunluğuna, ağciyər toxumasının sərtləşməsinə, bununla da qazlar mübadiləsinin pisləşməsinə səbəb olur. Bu zaman xəstədə hərarət, halsızlıq, öskürək, tənəffüs çətinləşməsi, həyəcan hissi, yorğunluq, döş qəfəsində ağrı müşahidə edilir.
• Sarımsaq əzilir və 15-20 dəqiqə müddətinə kürək və ya sinə nahiyəsinə yaxılır. Sarımsağı yaxmazdan əvvəl həmin nahiyələrə bitki yağı yaxılır.
• 1 stəkan yulaf və 1 ədəd xırdalanmış sarımsaq qarışdırılır, üzərinə 2 l süd əlavə edilib 1,5-2 saat ərzində fırında pörtlədilir. Bundan sonra gündə 1 dəfə isti şəkildə qurtum-qurtum yatmazdan əvvəl 1 stəkan daxilə qəbul edilir.
• 100 qr sarımsaq əzməsi ilə 500 qr qaz piyi qarışdırılıb su hamamında bir müddət saxlanır. Alınmış kütlə perqament kağız üzərinə qalın qat şəklində yayılıb sinəyə qoyulur, üzərindən yun şal ilə bağlanır. Bu kompreslər hər gün edilməklə 2 həftə müddətinə edilir. 1 həftə fasilə verdikdən sonra proseduru davam etdirmək olar.
• 4 ədəd kartof təmizlənmədən kub şəklində doğranıb 2 xörək qaşığı zəyərək toxumları ilə qarışdırılır. Bundan sonra qarışığın üzərinə əzilmiş 1 baş sarımsaq və 1 l süd əlavə edilib zəif ocağın üzərində 20 dəqiqə müddətinə bişirilir. 30°C-yə qədər soyudulduqdan sonra alınmış məhlulla gündə 2 dəfə imalə edilir.
• Turpun orta hissəsində dəlik açılıb ora 2 xörək qaşığı bal yerləşdirilir. Turpun üzəri isə kəsilmiş hissəsi ilə örtülür. Bundan sonra turplar qaba yığılıb 3 saat müddətinə saxlanır. Buradan alınmış şirə gündə 1 çay qaşığı bir neçə