ə kimi boğazını cıraraq aşağı endi və ac olan mədəsini doydurdu. Soyuq duşun altında dayanan Yaşar isə onun əksinə olaraq kafelə vurmaqdan qanayan yumruqlarını indi də dişləri kimi sıxdıqca sıxırdı. Bahara toxundurduğu bütün əzabları öz üzərində yaşamaq üçün bundan başqa üsul tanımırdı.
Cavidan qonaq gəldiyi dostunun evində dostunu tapmayanda , hələ üstəlik onun atasından bu qəribə silsilənin 4 gündür davam etdiyini öyrənəndikdən sonra bir başa onu tapa biləcəyi yerə getdi. Yaşar onu bir saat gözlətdikdən sonra yenicə boşalmış iclas otağında qəbul etdi. Dostunun qəribəliyi üzdə idi. Cavidan havadan-suadan başlayan söhbəti lazımınca davam etdirdi.
-Fateh əmi evdən köçdüyünüzü deyəndə təəccübləndim ,vallah. Yoxsa gənc ailə daha rahat olmaq istəyir?- Cavidan üzündə gülüşlə, qəsdən dediyi sözlərin Yaşara göstərdiyi təsiri diqqətlə izlədi.
-Yox, sadəcə bəzi səbəblər var idi, - Yaşar acı qəhvəsini qurtumladı.
- Hər şey yaxşıdır, Yaşar?
-Nə olub ki?
-Yox ,yəni , birdən-birə belə... Hər nə isə, bəlkə bu gün məni yeni evinizə aparasan?
-Yeni deyil, keçmiş .
-Necə yəni?
-Mən hələ keçən evlilikdən qalan evimi satmamışdım, yadındadır yəqin.
-Sən Baharı həmin evə aparmısan?- Cavidanın səsində açıq-aşkar heyrət duyuldu.
-Niyə ki?
-Yaşar, məncə bu Bahar üçün xoş olmaz .
-Qoy buna mən qərar verim.
-Yaşar... Bilmədiyim nə isə var ?
- Boş ver bu söhbətləri. Gəl, gedək , bir yerdə içək. Uzun zamandır artıq səninlə içmirik.
Aldığı cavablardan razı qalmayan Cavidan ən azından içkili vəziyyətdə Yaşardan nə isə öyrənə biləcəyi ümidi ilə dostunun təklifinə razılıq verdi. Yaşar onun acığına bir kəlmə də etmədən qədəhləri ard-arda boğazına tökdü. İçki onun beynini dumanlandırandan sonra da ağzını açıb Bahar haqqında heç nə demədi. Amma Cavidan da geri çəkilmək fikrində deyildi. Dostunun ayaq üstə dayana bilməməsindən istifadə edib onun üçün taksi sifariş verdi və az olduğu halda belə yaxşı tanıdığı ünvana yola düşdülər. Yaşar lül-qəmbər idi deyə sayıqladığı sözləri başa