r çağırsa da çağırılarım cavabsız qalırdı. Nə edəcəyimi bilməz halda evin içində dövrə vururdum. Xəzərə xəbər etməli idim mütləq. Əgər ondan xəbərsiz getsəydim bu, heç də yaxşı olmazdı. Çantamı götürdükdən sonra iti addımlara aşağı enib taksiyə əyləşdim və Xəzərin iş yerinin yolunu tutdum. Telefonlarıma cavab vermirdisə mən də birbaşa özündən izin alardım. Yaxşı ki, Xəzərin iş yeri anamgilin evinə yaxın bir yerdə idi. Bu sayədə yolda çox vaxt itirməyəcəkdim. Şirkətə çatıb taksidən endim. İti addımlarla binaya daxil olub Xəzərin otağına yaxınlaşdım. Qapının aralı olduğunu və katibənin yerində olmadığını görüb birbaşa içəri daxil oldum. İçəridə gördüklərim yerimdə donmağıma səbəb olmuşdu. Xəzər otaqdakı divanda daha əvvəl görmədiyim bir qadınla olduqca səmimi bir şəkildə oturmuşdu və Xəzərin əli qadının saçlarında idi. Gördüklərimin gerçək olub olmadığından əmin olmaq üçün bir neçə dəfə gözlərimi qırpışdırdım. Yalnış görməmişdim… Gözümün qarşısında iyrənc hərəkətlər sərgiləyirdilər. Əslində, təəccüblənməli deyildim. Məni gördüklərində hər ikisi cəld ayağa qalxıb özlərini düzəltməyə çalışdılar. Qadın başını əyib iti addımlarla otaqdan çıxarkən Xəzər heç nə olmamış kimi rahat bir şəkildə masasına keçdi. Açıq - aşikar xəyanətə uğrayırdım, amma bu mənə heç cürə təsir etmirdi. Bəlkə də, aləmi bir birinə qatmalı, etdiklərinin hesabını soruşmalı idim, amma vecimə deyildi. Başımı yelləyib özümü ələ aldıqdan sonra baxışlarımı Xəzərə yönəltdim.
- Nənəm xəstələnib, ona görə anamı rayona aparmaq lazımdır. Görünür sənin çox işin var. Mən apararam.
- Mənə xəyanət etdiyin yerə gedirsən?
Başdan ayağa acı bir təbəssümlə süzdüm onu.
- Mənə xəyanətdən danışan adam, bir az əvvəl sevgilisinin içinə düşürdü.
- Qısqandın?
Eşitdiyim sual ikrah hissi oyadırdı içimdə.
- Acıyıram sənə.
Təəssüflə başımı yelləyib otaqdan çıxdığım da, bir az əvvəlki qadın məni dəhlizdə gözlədiyini gördüm.
- Hümeyra xanım, Hümeyra xanım,
Mən onu eşitməzlikdən gəlib oradan uzaqlaşmağa çalışarkən qadın