ə varmadan, - öküz, - dedi.
Sükan arxasında olan Tural təəccüb etdi.
-Mənə deyirsən?
-Nəə?-təəccüb etdi. Aylin dediyi sözü səsli şəkildə dilə gətirdiyini bilmirdi.
-Öküz dedin. Kimə dedin?
-Səsli dedim mən onu? Düşünürdüme.
-Kimdi bu öküz, - dedi Tural qısqanclıqla.
-Boş ver, Tural. Uzun məsələdi,-söhbəti bağlamaq istədi.
-Aylin biz həmişə dost olmuşuq. Mənə danışa bilərsən.
-Yaxşı,-dedi,-bəlkə bir yerdə oturaq. Elə daha rahat danışarıq.
-Olar.
Çay içmək üçün bir məkan tapıb oturdular.Çay içə-içə söhbət etdilər. Aylin ailəsinin istəyi ilə baş verən bu evlilik haqqında danışdı.
-Sən axı necə istəmədən belə bir evliliyə razı oldun,Aylin? Necə belə bir şey edə bilərsən?-deyib əsəbiləşdi. Bütün xəyalları məhv olmuşdu Turalın.
-Özünə gəl,Tural. Bu sadəcə bir oyundur.
-Necə yəni oyun?-dedi və sakitləşdi. Yenidən ümidləri arsızca baş qaldırmışdı.
-6 aylıq bir saziş bağlamışıq Səlim ilə. Daha sonra isə o öz yoluna ,mən öz yoluma. İnan heç özüm də bilmirəm ,bu yola niyə girdim. Sadəcə razı olmasam ,atam nə deyərdi deyə düşündüm. Offf..
Sevmirsiz bir - birinizi? - sualı verəndə səsində qısqanclıq var idi. Amma Aylin heç bunu sezmədi. Fikri Səlimdə idi.
-Tural, ailəmizin istəyi ilə evlənmişik. Səlim mənə nifrət edirdi, hətta. Yeni - yeni münasibətimiz düzəlib,-belə desə də, Səlimi sevirdi. Sadəcə bunu etiraf edə bilmirdi.
Tural istədi ki, Aylindən Səlimi sevib - sevmədiyini soruşsun. Sonra fikrindən daşındı. Bəlkə də, eşidəcəklərindən qorxdu. Özünü aldadaraq yaşamaq daha asan gəlir insana.
-Üzülmə, Aylin. Hər şey düzələcək, - dedi.
Aylin gülümsədi və Turala baxdı. Amma fikri, yenə də Səlimdə idi.
Eşitdiklərinə Tural bilmirdi, sevinsin, yoxsa üzülsün.Sevdiyi qadın başqası ilə evli idi. Bəlkə, sevərdilər bir - birini zamanla. Eyni evdə qalırdılar. Hər gün bir-birini görürdülər. Bu onu üzürdü. Amma tez zamanda bitəcək olması sevindirirdi onu." Bircə Səlimə aşiq olmasın",-deyə içindən keçirdi.

***
Sara nə danışırdısa, Səlim heç nə eşitmirdi. Fikri