Burun qanaxmaları
Burun qanaxması hər kəsin həyatında bir dəfə də olsa başına gələn hadisələrdəndir.
Burunun daxilindəki burun balıqqulaqları damarlarla zəngin olduğundan, burun çəpərinin ön hissəsində-Kisselbax zonasında yerləşən böyük damarlar səthə daha yaxın olduğundan yüngül zədələnmədən belə burun qanaxması müşahidə olunur. Burun qanaxması zədələnmə, qan laxtalanmasının pozulması, hipertoniya və s. xəstəliklər nəticəsində yaxud güclü fiziki gərginlikdən sonra baş verir.
Burun qanaxmasının əsas səbəbi burun boşluğu selikli qişasının tamlığının pozulmasıdır. Burun qanaxmasının səbəbləri yerli və ümumi olmaqla iki qrupa ayrılır.
Yerli səbəblərə;
*burundaxili quruluşun zədələnməsinə səbəb olan-yad cisim, əməliyyat zədələnmələri, burun boşluğunda aparılan hər hansı manipulyasiya;
* selikli qişanın hiperemiyalaşmasına səbəb olan kəskin və xroniki iltihabi proseslər- rinitlər, sinusitlər, adenoidlər;
* burun boğluğu selikli qişasının distrofik dəyişkənliyi-atrofik rinit, burun arakəsməsinin əyilməsi;
*burun boşluğunda hər hansı törəmə- angioma, bədxassəli şiş, spesifik qranuloma.
Ümumi səbəblərə;
*ürək-damar sistemi xəstəlikləri- hipertoniya, ürək qüsuru, damar anomaliyaları, ateroskleroz;
*qan laxtalanmasının pozulması ilə əlaqədar xəstəliklər, diatezlər, hipo və avitaminoz;
*kəskin infeksion xəstəliklər, isti və gün vurma halları;
*barometrik təzyiqin qəfil düşüb-qalxması nəticəsində yaranan patoloji hallar- uçuş, sualtı üzmə, alpinizm zamanı;
*hormonal disbalanslar- cinsi yetişkənlik, hamiləlik, klimaks.

Reseptlər:
*1 xörək qaşığı quru gicitkən yarpaqları 1 stəkan qaynar suda 10 dəqiqə zəif odda dəmlənir, soyudulur süzülür. 1 çay qaşığı gündə 4-5 dəfə daxilə qəbul edilir.
Yuxardakı qaydada dəmləmə hazırlanır. Kiçik ölçülü qablara tökərək soyuducuda dondurulur. Qanaxma zamanı yerli olaraq istifadə edilir.
*2 xörək qaşığı dərman sincanotu kökləri üzərinə 1 stəkan qaynar su əlavə edilir, zəif odda 5 dəqiqə bişirilir, süzülür. Qanaxmalar zamanı