olursan axı. Get uzan yat, - dedi və üst geyimini geyinib çölə çıxdı.Qapıdan çıxarkən barmaq silkələyərək :
-Mən qayıdanda səni yatağında yatan görüm,-dedi.
-Baş üstə,-deyib Səlim əlini əskərlər kimi başına yaxınlaşdırdı...
Qapıdan çıxan anda ağlına maşınının olmadığı gəldi və geri çevrildi.
-Səlim,mənim maşınım təmirdədir. Tural maraqlanmalı idi. Amma ondan xəbər çıxmayıb hələ. Səninkini götürsəm, olar?-deyərək sevimli bir ifadə verdi üzünə..
-Hə əlbəttə olar,-Yazı masasının üstündə duran açarları Aylinə verdi..
-Oldu. Sən get, yat. Tez qayıdacam. Halsız vəziyyətdə gəzmə,-deyərək qapıdan çıxdı.
***
Aylin aptekdən dərmanları alıb çıxarkən maşına minmək istəyəndə adının səslənməsi ilə geri çevriləndə qarşısında Saranı görüb özünü itirdi. Heç onu gözləmirdi.
-Sara????
-Niyə təəccüblənirsən?-deyərək daha da yaxına gəldi və Səlimin maşınını göstərərək ,-nədir ,indi də maşını ələ keçirmisən?-dedi.
-Nə danışırsan sən,Sara? Dəli olmusan?
-Səlimi öz tərəfinə çəkmisən,hə? Onu əlimdən almaqda məqsədin nə idi? Zəngin bir ər tapıb ...
-Kəs səsini...-deyib Aylin Saraya səsini yüksəltdi. Sonra ətrafa baxdı,diqqət çəkməmək üçün asta səslə nə danışdığına fikir ver. Mənim kiminsə pulunda gözüm yoxdur,-dedi.
-Səlimdən əl çək,Aylin. Yoxsa heç yaxşı şeylər olmaz ,-deyərək əsəbi baxışlarını Aylinə dikdi.
-Sən məni təhdid edirsən?-deyərək əsəbi şəkildə gülümsədi,-Sara ,deyəsən,mən çox üzüyola görünürəm ordan baxanda. Amma məni tanımırsan. Həddini bil..Mən heç kimi heç kimin əlindən almamışam. Amma özünü belə aparsan Səlimi alaram...-deyib əsəblə maşına minib işə saldı. Əsəbindən dodaqaltı deyindi.
-Bunun mənə dediyinə bir bax. Puluna görə evlənmişəmmiş. Axmaqdır,nədir bu?
Dilindən çıxan"Səlimi səndən alaram" sözünə görə özünü o ki var,danladı. Axı belə sözü necə dedi? Sara onun damarına basmışdı axı. Yoxsa,o, belə bir şey deyəcək biri deyildi.
***
Aylin dərmanları alıb gələndə Səlim yatırdı. Astaca əlini alnına vuranda alışıb yandığını gördü. Hərarəti yaman