Enurez nədir?
Enurez xəstəliyi insanlar arasında gecə yerini istalmaq kimi tanınan xəstəliyə tibb dilində verilən addır. Bu şikayətlər dünya üzərində milyonlarla uşağın yaşadığı bir sağlamlıq problemidir. Əgər 5 yaşına çatmış bir uşaq gecələr yuxusunda yerini islatmağa davam edirsə, buna gecə altını islatma, yəni enurez xəstəliyi deyilir. Lakin 5 yaşından aşağı uşaqlarda belə hallar tam olaraq bir xəstəlik kimi qəbul edilməməkdədir. Bunun da səbəbi həmin uşaqlarda sinir sisteminin formalaşmasının hələ tam şəkildə tamamlanmaması ilə bağlıdır.

5 yaşında uşaqların təxminən 15%-də gecə yerini islatma halları mövcuddur. Bu göstərici 15 yaşına gəldikdə isə 1%-ə qədər enir. Göstərilən statistik məlumatlar bizlərə gecə altını islatmağın uşaqların inkişafının bir parçası ola biləcəyini düşündürməkdədir. Əgər övladınızda və ya yaxınınızda belə hallar varsa, yataq ıslatması davam edərsə, ilk olaraq problemi səbr və anlayışla qarşılayıb, müəyyən həyat tərzi dəyişiklikləri ilə, sidiyə çağırış siqnallarına nəzarət təlimlərilə və bəzən dərmanlarla yataq islatmanı azaltmaq mümkündür.

Enurez xəstəliyi haqqında, Uşaqlarda gecə yerini islatmaq

Enurez hansı formalarda görünür?
Enurezin 2 növ fərqli təsnifatı vardır. Əgər uşağınız gündüzlər də sidik qaçırırsa, anidən tualet ehtiyacı yaranırsa və tualetə yetişə bilmədən sidik qaçırma görülürsə, kəsik-kəsik işəmə olursa, davamlı olaraq qəbizlik şikayətləri ilə birgə enurez varsa, bu qeyri-monosimptomatik enurez adlanır. Əgər uşaqda heç bir şikayət yoxdursa və yalnız gecələr sidik qaçırma varsa, bu isə monosimptomatik enurez adlanır. Bu cür təsnifatın aparılması olduqca vacibdir, çünki hər iki halın müalicə taktikası fərqli olaraq aparılmaqdadır.

Həmçinin enurez xəstəliyi birincili və ikincili olaraq da təsnif olunur. Birincili enurez uşağın gecə sidiyinə nəzarəti heç bir zaman öyrənmədiyini bildirirsə, ikincili enurez termini uşağın 5 yaşını bitirdikdən sonra ən az 6 ay müddətində heç bir halda yatağını islatmaması və daha