ş verməsi normal hal sayılır.

Başlanğıca
Hipoqlikemiyanın müalicəsi.
Əlbətdə, əksər hallarda yüngül hipoqlikemiya müalicəsiz də keçə bilir, bu qanda şəkərin səviyyəsinin enməsi zamanı orqanizmdəki kompensator mexanizmlərin işə düşməsi və qaraciyərdən qana əlavə şəkərin daxil olması hesabına baş verir. Lakin buna arxayın olub müalicə etməmək düzgün olmazdı. Əvvəlcə ona görə ki, hər bir yüngül hipoqlikemiya daha təhlükəli agır hipoqlikemiyanın başlanğıcıdır. İkincisi ona görə ki, hipoqlikemiya müalicə olunmadıqda, adətən, qaraciyər həddən aktiv aktivləşir və qana çox miqdarda şəkər ifraz etməklə qanda yüksək şəkərə səbəb olur.
Bu səbəbdən də hipoqlikemiyanın ilk əlamətlərini hiss etdikdə dərhal müayinə və müalicə olunmaq lazımdır. Müalicə karbohidrat qəbulu olsa da, istəniləndən istifadə etmək olmaz. Adi gec sorulan karbohidratlar (çörək, sıyıq, meyvələr) qanda şəkəri 20-30 dəqiqədən sonra yüksəldə bilir. Qanda şəkəri tez bir zamanda qaldırmaq üçün daha asan sorula bilən karbohidratlar - bal, qənd şirin içkilər qəbul etmək lazımdır. Nəticədə bir neçə dəqiqədən sonra qanda şəkərin miqdarı normaya kimi yüksəlir və hipoqlikemiya əlamətləri yox olur.
Hipoqlikemiyadan etibarlı çıxaran karbohidratın miqdarını mütləq bilməlisiniz (bax şəkilə). Hipoqlikemiyanın kiçik bir əlamətini hiss etdikdə dərhal tez mənimsənilən 2 çörək vahidi karbohidrat dərhal qəbul olunmalıdır, məsələn: 15-20 qr. qlükoza tabletləri, 4-5 tikə qənd və ya bir stakan (200 ml) meyvə şirəsi və ya digər şirin içki qəbul etməlisiniz. Beləliklə də insulinlə müalicə alan diabetli xəstələr daim özlərində tez həzm olan karbohidrat gəzdirməlidir! Ən münasib karbohidrat kimi qənd tikəsi, balaca qab meyvə şirəsi və ya digər şirin içgi hipoqlikemiyanın müalicəsində ən yaxşı vasitədir. Balı dozalamaq münasib deyil, konfetləri çeynəmək çətindir və ya onlarda şəkərin yavaş sorulmasına xidmət edən maddələr vardır, bu səbəbləri nəzərə alaraq adı çəkilən qidalardan istifadə etmək məsləhət deyil.

Başlanğıca