e edəcək həddə olsa belə, onu özünəzarət sistemi kimi tanımaq yolverilməzdir: təyin etmələr arasındakı müddət həddən çoxdur və gün ərzindəki şəkərin səviyyəsi haqqında məlumasızlıq vardır.
I tip şəkərli diabetdə qanda şəkər (yuxarıda qeyd etdiyimiz kimi çarəsiz qaldıqda sidikdə də şəkər təyin edilə bilər) gündılik olaraq ölçülməlidir: minimum əsas yeməklərdən əvvəl (və ya hər insulin inyeksiyasından əvvəl, adətən eyni gəlir) və gecə vaxtı ölçülməlidir. Bununla da gün ərzində minimal ölçülmə həddi 3-4 dəfədən az deyil.


Yeməkdən bilavasitə əvəəl qanda şəkərin səviyyəsinin normallaşmasına nail olunubsa, yeməkdən 1.5-2 saat sonra periodik ölçülməsi məqsədə uyğundur. Qanda şəkərin belə ölçülməsində məqsəd, qəbul olunmuş insulin dozasının miqdarının qiymətləndirmək və növbəti insulin yeridilməsi zamanı dozanı təyin etməyi bilməkdir. Bundan əlavə gecə vaxtı da şəkər ölçülməlidir ki, hipoqlikemiyanı qaçırmayasınız. Qanda şəkərin ölçülməsi bəzi əlahiddə şəraitdə daha tez-tez yoxlanmalıdır, məsələn: səyahətdə olduqda, xəstələndikdə, idmanla məşğul olarkən və s.
Barmağın deşilməsi.
Barmaqdan qan götürmək üçün xəstələr xüsusi neştərlərdən (əgər əl altda neştər olmasa, müstəsna hallarda insulin iynəsi və ya xüsusi şpris-qələmin iynəsi) istifadə etmək lazımdır. Hal-hazırda xüsusi barmaq deşmək üçün hazırlanmış qurğudan istifadə edilir (Softclix, Ultrasoft, Penlet, Autoclix, Microlet və s.). Hansı vasitənin olmasından asılı olmayaraq əsas şərt iynənin barmaqda kiçik dəlik yaratması, az travmalı olması, yaranın ağrımaması və tez sağalmasıdır. Üç başlı neştərlər gündəlik istifadəyə heç cür yaramırlar. Barmağı deşməmişdən əvvəl əlləri yaxşıca yumaq və qurulamaq lazımdır.



Bu prosessi evdə edirsinizsə, əlləri spirtlə silmək lazımdır deyil. Əgər barmaq deşildikdən sonra qan az gəlirsə, barmağı massaj etmək lazımdır. Deşməni barmağın uc hissəsində deyil, bir qədər yan hissəsindən etmək lazımdır. Düzdür, çox vaxt barmağın uc hissəsindən deşməyə üstünlük verənlər çox olur