Sağlam şəxslərdə mütəmadi olmayan fiziki aktivlik zamanı enerji məsrəfi mütəmadi olmur. Əgər I tip şəkərli diabet xəstələri üçün gündəlik istifadə üçün hər hansı bir təyin edilmiş eyni kalorili dieta müəyyən edilərsə, normal çəkini saxlamaq üçün gündəlik dəqiq fiziki aktivlik planı da təyin edilməlidir ki , bu da real görünmür.
b) I tip şəkərli diabetdən əziyyət çəkən normal çəkiyə sahib şəxslərdə iştahın tənzimlənməsi sağlam insanlardakından fərqlənmir. Bu tip insanlar bəzən iştah olmadıqda belə hipoqlikemiyanın qarşısını almaq üçün bəzən nə isə yeməyə məcbur olurlar ki, bu da əsasən qeyri-adekvat insulinterapiyanın nəticəsi kimi sayılır.
İnsulinterapiya rejiminin təkmilləşdirilməsi və qanda şəkərin səviyyəsinə görə maddələr mübadiləsinə özünənəzarət, xəstəyə sağlam şəxslərdə olduğu kimi qidanın qəbul edilməsi ac və ya tox olmasından asılı olaraq nizamlanır.


Beləliklə, I tip şəkərli diabetdə əsasən qida rasiyonu tam keyfiyyətli (kaloriliyinə və əsas qida maddələrinin kəmiyyətinə görə balanslandırılmış) qida rasiyonudur. Yeganə fərq budur ki, yeridilən insulin sizin nə vaxt və nə qədər “yediyinizi” bilmir. Bu səbəbdən də siz özünüz qida qəbulu ilə yeridilmiş insulinin bir-birinə uyğun olduğunu bilməlisiniz. Qanda şəkəri artıran məhsulları dəqiq bilməlisiniz.

Zülallar və yağlar.
Qida maddələri üç komponentdən: zülallar, yağlar və karbohidratlardan ibarətdir. Onların hər üçünün kalorili olması ilə yanaşı, qanda çəkərin səviyyəsini qaldırmaq xaəssələri müxtəlifdir. Lakin xəstələr bəzən bu terminləri səhv salırlar. Adətən I tip şəkərli diabetdən əziyyət çəkən xəstələr qida rasiyonundan yağ və yağa bənzər maddələri azaldırlar, halbuki bu, diabetin kompensassiyası üçün vacibdir. Qida məhsullarının kaloriliyinin insulinə təsiri öyrənildikdə məlum oldu ki, qida rasiyonundan yağların çıxardılması və ya azaldılması ilə insulinə tələbat arasında heç bir uyğunluq yoxdur. Bu fakt şəkərin qanda miqdarını qaldıran qidalar sırasında yağların olması fikrini inkar edir.