. Bəzi əsassız qadağalara da – yağ az yemək asetonun əmələ gəlməsini zəiflədir kimi sözlərə də inanmaq olmaz. Diabetədən əziyyət çəkən şəxslərdə asetonun əmələ gəlməsinə səbəb insulin çatışmazlığıdır (bax. “Diabet haqqında ümumi müddəalar”). Yagların şəkərin səviyyəsinə təsiri barədə dediklərimiz zülallara da aiddir. Bu dediklərimizdən də məlum olur ki, şəkərli diabetdən əziyyət çəkən şəxslər sağlam insanlar kimi iştahları çəkdiyi qədər zülal və yağ qəbul edə bilərlər, lakim bədən çəkisinin artmasına imkan vermək olmaz. Artıq çəkiyə sahib olmamaq üçün nə lazım olduğunu bölmələrdən birində oxumaq olar.

Karbohidratlar
Yeganə qanda şəkəri qaldıra bilən qida karbohidratlardır. Lakinbu o demək deyildir ki, onların miqdarını məhdudlaşdırasan, bu o deməkdir ki, karbohidratları nəzərə alaraq qısa müddətli insulinin dozasını düzgün hesablayasan. Hansı qidalarda karbohidrat var? Cavab çox sadədir: bitki mənşəli məhsulların böyük əksəriyyəti, heyvani mənşəli qidalardan yalnız duru süd məhsulları aiddir. Sizə digər məhsulların qanda şəkəri qaldırmasını dəqiqləşdirmək, əgər təsir edirsə, nə dərəcədə qaldırmasını bilmək lazımdır. Elə karbohidratlı məhsullar var ki, onlar qanda şəkəri ya qaldırmır, ya da çox az miqdarda qaldırır. Digər qrup qidalar isə qanda şəkəri çox miqdarda və ya uzunmüddətli qaldırırlar. Bu şərtlər daxilində məhsullar aşağıdakı kimi bölünürlər:
1) “sərbəst” karbohidrat tərkibli məhsullar,
2) karbohidratı hesablanmalı məhsullar.


“Sərbəst”, yəni qanda şəkəri az miqdarda qaldıran məhsullara demək olar ki, bütün adi miqdarda tərəvəzlər aiddir. Kartof və qarğıdalının tərkibindəki karbohidratı hesablamaq lazımdır. Beləliklə çəkinmədən kələm, salat, cəfəri, şüyüd, qırmızı və ağ turp, boranı və badımcan yemək olar. Bu qrupa aid məhsullardan ən çox karbohidrat tərkiblilər paxlalı bitkilər (lobya, paxla, noxud), kök və çuxundurdur ki, bunların qəbulundan sonra da qanda şəkər çox qalxmır. Əgər adıçəkilən məhsullardan az miqdarda qəbul edirsinizsə (200