qr.-dan çox olmamaq şərti ilə) bunu saymaya da bilərsiniz.
Karbohidratı hesablanmalı məhsullar 5 əsas qrupa bölünürlər:
1) dənli bitkilər – çörək və çörək məhsulları, makaron məhsulları, buğda, arpa, yarmalar, qarğıdalı,
2) meyvələr
3) bəzi tərəvəzlər (kartof)
4) süd və duru süd məhsulları
5) tərkibində təmiz şəkər olan məhsullar, yəni tez sorulan karbohidratlar

Sadə və mürəkkəb karbohidratlar.
Özlüyündə karbohidratları sadə və mürəkkət olaraq iki hissəyə bölünür. Birincilər kifayət qədər sadə kimyəvi formula malik olub, bu səbəbdən də bağırsaqdan tez sorulur və 10 dəqiqə sonra qanda şəkəri yüksəltməyə başlayır.
Sadə karbohidratlara aşağıdakılar aiddir:
1) qlükoza (üzüm şəkəri) – bütün meyvələrdə, balda olur, tibbi preparat kimi istifadə edilir
2) fruktoza (meyvə şəkəri) – bütün meyvələrdə, balda olur, təmiz şəkərəvəzedici kimi istifadə edilir
3) saxaroza (qida şəkəri) - bütün meyvələrdə, qənd və qənnadı məhsullarında olur,
4) laktoza (süd şəkəri) - süd məhsullarında olur,
5) maltoza (səməni şəkəri) - pivədə olur.
Baxmayaraq ki, sadə karbohidratlar tez sorulan tiplidirlər, elə ərzaqlar var ki, tərkibində sadə karbohidratlar olmasına baxmayaraq, sürətlə qanda şəkəri qaldırmırlar.. Məsələ bundadır ki, karbohidratın tez sorulmasını, qida tərkibindəki lifli məhsullar (məsələn meyvələr), zülal və yağlar (məsələn süd məhsulları) zəiflədir. Belə məhsullarla birləşmiş sadə karbohidratlar qanda şəkəri tədricən qaldırırlar.



Beləliklə alma yedikdə qanda şəkər bir qədər gec, alma şirəsi içdikdə isə tez qalxacaqdır. Buna görə də tez sorulan karbohidratlara əsas qənd və qənnadı məhsullar aiddir.
Mürəkkəb karbohidratlara nişasta da deyirlər. Nişasta çoxsaylı qlükoza molekullarından təşkil olunmuş uzun zəngirdir (bax. şəkil). Qlükozanın bağırsaqdan sorulması üçün nişasta mütləq parçalanmalıdır. Bu səbəbdən də bu növ karbohidratlar qanda şəkəri asta-asta, təqribən 30 dəqiqədən sonra qaldırır. Mürəkkəb karbohidtarlar bütün dənli bitkilərdə və kartofda