şəkərin qaraciyərdən daxil olmasının qarşısının alınması hesabınadır. Bu o deməkdir ki, qida qəbulundan sonra qanda artıq şəkər olduqda, onu insulin olmadığı halda alkoqolla aşağı salmaq mümkün deyil. Bundan əlavə alkoqolun qaraciyərə mənfi təsiri də nəzərə alınmalıdır.


İNSULİNOTERAPİYA

İnsulinin kəşfi.
20-ci əsrin əvvəllərində diabetdən əziyyət çəkən cavan şəxslərdə, yəni insulinə ehtiyacı olan şəkərli diabetli insanlarda yaşamaq şansı demək olardı ki, yox dərəcəsində idi. 1921-ci ilin payızında Toronto şəhərində (Kanada) həkim olan iki şəxs – Frederik Bantinq və Çarlz Best danaların mədəaltı vəzisindən itlərdə qanda şəkəri aşağı salan maddə tapdılar. Sonralar onlar bu kəşvə görə Nobel mükafatına layiq görüldülər, Batinqin ad günü isə indiyə kimi Beynəlxalq diabet günü (14 noyabr) kimi qeyd olunur.



Həqiqətən də insulinin kəşvi və praktikada istifadəsi şəkərli diabetin müalicəsində inqlab idi. Bundan sonra insanlar arasında diabetik komadan ölüm halları kəskin azaldı. İlk illər preparatın əldə olunmasında bir çox texniki problemlər meydana gəldi ki, sonralar bu da öz həllini tapdı. İndi insulinə ehtiyacı olan diabetli xəstələr “Biz özümüzə insulin yeritmək məcburiyyətindəyik” kəlməsinin əvəzinə “Bizim özümüzə insulin yeritmək imkanımız var” deməlidirlər.


Heyvani mənşəli və insan insulini.
İnsulin kimyəvi quruluşuna görə zülal olub, yuxarıda qeyd etdiyimiz kimi mədəaltı vəzin betta hüceyrələrində yaranıb, birbaşa qana keçir. Şəkildə insulinin strukturu göstərilib. Ayrıca həlqələr amin turşular olub, adətən istənilən zülal bunlardan təşkil olunur. İlk insulin preparatları heyvani mənşəli olublar. Onu adətən donuzun və ya qaramalın mədəaltı vəzisindən alırlar. Qaramal insulini insanınkından üç amin turşusu, donuz insulini isə bir amin turşusu ilə fərqlənir. Son zamanlar daha çox insan insulini istifadə edilir. Sonuncu adətən gen mühəndisləri vasitəsi ilə haırlanıb, bakteriyaları insulin sintez etməyə məcbur edirlər ki, bu da kimyəvi