u qırdı. Zamanla düzələr dedim, ancaq düzəlmək əvəzinə hər şey, daha da qarmaşıq hala gəldi. (Gözlərini gözlərimə sabitlədi) Sənə hər gün acı çəkdirəcəyimə and içmişdim. O an Xəzərin gözlərində gördüyüm nifrət damarlarımda qanımı dondururdu. Mən onun nifrət saçan gözlərini, daha əvvəl heç görməmişdim. Onun baxışları qarşısında özümü tamam itirmiş, nə deyəcəyimi unutmuşdum. Vücudumdan soyuq tərlər axırdı. Qorxurdum deyəsən… Özümü birtəhər ələ alıb, cılız səslə dilləndim. - Məndən bu dərəcə nifrət etdiyini bilmirdim. - Sənə olan nifrətim, düşündüyündən qat - qat artıqdı. Sən qarşıma keçib başqa birinə vurulduğunu dediyin zaman, içimdə sənə qarşı bütün duyğuları yox etdin. - Mən sadəcə yeni başlanğıc edərkən səndən heç nəyi gizlətmək istəməmişdim. - Bununla sadəcə özünə nifrət qazandın. - Mən çox təəssüf edirəm. - Bu heç bir işə yaramır. Bundan sonra nə olacaq, nə etmək istəyirsən sən onu de? - Mənim istəyim yox, ikimiz üçündə ən xeyirlisi. - Yəni? - Yəni boşanmaq. - Boşanmağı qəbul etməsəm? - Yetəri qədər qisas alıb, canımı acıtmadınmı? - Boşanım səndə ona get? Xəzərin “o“ deyərkən Onuru nəzərdə tutduğunu yaxşı bilirdim. - Mənim heç yerə getmək fikrim yoxdur. - Bəs onda boşanmağı niyə istəyirsən? - Yaşamaq üçün, Xəzər! Bir - birimizə verdiyimiz zərərlər yetər artıq. Bu evlilik nə səni xoşbəxt etdi, nə də məni. İkimiz də sadəcə əzab çəkdik, çünki münasibətimizin təməli yalanla quruldu. Davam etdirməyimizin nə mənası var? Biz də xoşbəxt olmalı deyilmiyik? - Məndən o adama qovuşmağın üçün şərait yaratmağımı gözləmə. Qaşlarımı düyünləyib bezgincə dilləndim. - Xəzər, yalvarıram başa düş, hər şey çoxdan keçmişdə qalıb. Həm o, ailə qurub və tezliklə ata olacaq. Xəzərin gözlərindəki təəccüb yersiz söhbət etdiyimi açıqca göstərirdi. - Sən, gedib onunla görüşdün? - Səhv başa düşürsən, görüşmədim. Təsadüf nəticəsində həyat yoldaşı ilə tanış oldum. - Onu gördükdən sonra boşanmağa qərar verdin? Dəli olmaq üzərə idim. Bu adam nə danışırdı belə? - Sən məni nə hesab edirsən?! Mən