ı dostuq,-dedi.
-Əlbəttə,dost.
***
Evə gələrkən piyada gəlməyi üstün tutmuşdular. Aylin Səlimin qoluna girmişdi. Səlim özünə də yad olan bu hisslərdə itib batırdı. Bu günün bitməsini heç istəmirdi.
-Gözəl gün idi,-dedi Aylin,- çox sağ ol, Səlim.
-Mənim də xoşuma gəldi, - dedi.
İkisi də bir - birinə baxıb gülümsədilər.
Artıq evə çatmışdılar.Saat 10 idi.
Evə girib bir az da mətbəxdə oturdular.Səlim telefonunda mahnı açaraq:
-Bəlkə,rəqs edək,-deyib Aylinə əlini uzatdı.
-Aləmsən, Səlim,-deyib Aylin gülməyə başladı. Əlini Səlimin əlinə yerləşdirib ayağa qalxdı. Jennifer Lopezin "no me ames" mahnısının sədaları altında rəqs etməyə başladılar. Baxışları bir-birinin nəfəsini kəsirdi. Ürəklərinin döyüntüsü onları daha da məst edirdi. Artıq mahnı yaddan çıxmışdı,onlar ürəklərinin ritmində rəqs edirdilər. Səlim bu anın cazibəsinə qapılaraq bir anda Aylini öpməyə başladı. Aylin Səlimin isti dodaqlarının təsirindən artıq özünü sehrli dünyada hiss edirdi. Sabah ,bəlkə ,peşiman olacaqdılar.Amma o da bu anın sehrini pozmaq istəmədi. Səlimin dodaqlarına daha inadla sarıldı.

Kaş mənim olaydın,məni sevəydin.
Qəlbimin sultanı, qəlbimə aşiq.
Kaş bu yalan sevgi gerçək olaydı.
Mənə yar olaydın,mən sənə