r şeylər hazırlayıram.
Paltosunu soyunaraq :
-Yaxşı, - dedi və üzünü Səlimə tutaraq,-yeznə, sənə də Allah şəfa versin, - dedi.
-Çox sağ ol, Nigar, - dedi.
Nigar və Aylin mətbəxə keçdilər. Onlar gedən kimi Səlim dərhal Samirə yaxınlaşıb pıçıldadı:
-Nigarı görən kimi əl-ayağın əsir. Amma mənə başqa şey deyirsən, - qaşını qaldırıb başını yellədi və güldü.
-Başqa bir şey demirəm ki..Mən yenə də deyirəm, Nigarı sevirəm. Çox sevirəm. Elə birinci dəfədən. Onda başqa bir şey var. Elə gözəl gülüşü var ki. Baxdıqca ona baxmaq istəyirəm. Sevdikcə daha çox sevmək istəyirəm. Onunla danışdıqca zaman dursun istəyirəm. Sadəcə yanımda olsun, istəyirəm. Amma ki o....
Bu vaxt əlində meyvə dolu qab ilə gələn Nigar bunları eşitdi. Sözləri eşidib özünü itirdi. Qab əlindən yerə düşdü və sındı.Samir və Səlim səs gələn səmtə baxıb Nigarı gördülər. Samir, əslində, Nigarın onu eşitdiyinə sevindi. Ən azından ürəyində qalmaması sevindirdi onu.Nigar özünü itirdi.
-Əlimdən düşdü.... Ayağım büdrədi..., - deyib yerə çökdü ki ,qırıqları yığsın. Aylin də səsi eşidib cəld mətbəxdən çıxdı.
-Nə oldu? - Nigarı görüb,-nə baş verdi. Yaxşısan, Nigar?-dedi və yanına yaxınlaşdı. Samir də ayağa durub onlara yaxınlaşdı.
-Hər şey yaxşıdı,-deyərək Nigar başını bacardıqca aşağı saldı. Yanaqları pomidor kimi qızarmışdı.
-Nigar, danışak bilərik?-deyərək Samir Nigara ciddi nəzər saldı.
Nigar daha da qızardı. Utandı. Həmişə Nigar xanım deyən Samir bu dəfə sadəcə adı ilə xitab edirdi.
-Nə haqda?-başını qaldırmadan soruşdu. Hələ də qabın qırıntılarını yığırdı.
-Qoy qalsın,Nigar. Eləmə. Mən yığaram. Sən get,-deyərək Aylin Nigarın əlindən qab qırıntılarını aldı.
-Axıı..-
Aylin Nigara qaşını çataraq baxdı. Bu isə"get, söhbət et" demək idi. Samir öndən Nigara yol verdi. Üst geyimlərini geyinib bayıra çıxdılar. Hava yaman soyuq idi. İkisi də yan-yana dayanıb gözlərini bir nöqtəyə zillədilər.Bir müddət beləcə susdular. Sadəcə susdular. Samir necə sözə başlayacağını bilmirdi. Ürəyində baş verən fırtına daha