m təəccübləndi.
-Boş ver, Səlim. Ümid edək ki, mən yanılmış olam, - dedi.
***
Samir ilə Nigar danışdıqdan sonra Samir sağollaşıb getdi. Nigar da bir az oturduqdan sonra evə getdi.
Nigar, əslində, Samir kimi bir oğlan arzu edərdi əvvəllər. Amma həyatında biri varkən başqası haqqında düşünməyi özünə sığışdıra bilmirdi. Düzdür, Əlinin mənfiləri vardı. Amma bu onu tərk etməyinə səbəb deyildi axı. Özü seçmişdi Əlini. Hər mənfisinə də dözməli idi. Bir mənfiyə görə onun sevgisini görməzdən gələ bilməzdi. İndi Samir sadəcə bir az fikrini qarışdırırdı. Başqa heç nə. O, hələ də Əlini sevirdi. Sadəcə Samirin qarşılıqsız sevgisi onu üzürdü.
Samir Nigara hiss etdiklərini dediyi üçün şad idi. Sadəcə qarşılıqsız sevgiyə məhkum olduğu üçün üzü gülmürdü. Sevmək necə də əzablı imiş. Sevirsən,amma sevilmirsən. Sevilirsən, amma bu dəfə də sən sevə bilmirsən. Ürəyin başqası üçün döyünür. Onu sevir,onu düşünürsən. Bəzən onu unutmaq üçün özünü əbədi cəzaya məhkum edirsən. Sevgi bədbəxtlik gətirir bəzən. Ya da sən düzgün adamı sevmirsən. Bəlkə də, düzgün insandır, amma bu dəfə də zaman yalnışdır. Gəl, gör ki, bunu o ağılsız qəlbinə izah edə bilməzsən.
Nigargilin gedişindən sonra Aylin film izlərkən dağıtdıqları evi yığışdırmağa başladı. Səlim də divanda uzanaraq film izləməyə başladı vıə izlərkən yatıb qaldı. Aylin işini bitirdikdən sonra Səlimin yatdığını görüb ədyalla üstünü örtdü. Oturacaqda oturub Səlimi seyr etməyə başladı. Necə də çox istərdi Səlimin ona aid olmasını. Bayaq hələ öpəcəkdi də az daha Aylini. Bəs bu nə idi? Yəqin, Səlim hisslərə qapılıb. Başqa nə ola bilər ki? Səlimin telefonu zəng çaldı. Aylin Səlimin oyanmasını istəmədiyi üçün cəld səssizə aldı telefonu.Səssizə aldıqdan sonra ekrana baxanda Saranın zəng etdiyini gördü. Səlimi oyatmaq istəsə də,onu şirin yuxusundan oyatmaq istəmədi.Özünün isə daldığı şirin yuxusu burada sona çatdı. Bu şirin yuxu idi sadəcə. Səlim ona aid deyildi. Aylin qarşılığı olmayan bir sevginin odunda yanırdı. Sadəcə bəzən baş verən