n sevdiyin darçınlı qoğallar da var.
-Nə münasibətilədi belə,- deyərək masaya əyləşdi.
-Ah ,Səlim, xüsusi bir günə ehtiyac yoxdur. Sadəcə Gülnarə xala olmayacaq bu gün də. Ona görə də mən hazırladım.
-Gülnarə xala bu gün nəcəb gəlmədi bəs?-üç gün idi, Gülnarə xalanı görməyən Səlim nigarançılıqla soruşdu.
-Düzdür,iki günlük almışdı icazəni, əslində.Amma bu gün də zəng edərək gələ bilməyəcəyini dedi. Həyat yoldaşı xəstədir. Ona görə gəlmədi bu gün də. Demişəm bu gün klinikaya gətirsin. Bir özüm də baxım görək ,nə problemi var.
-Allah şəfasını versin.
-Amin. Amin. Çox üzüldüm Gülnarə xalaya.
Aylin əllərini yumaq üçün vanna otağına keçəndə masanın üstünə qoyduğu telefonuna zəng gəldi. Səlim vanna otağına doğru boylanaraq Aylinin gəlib gəlmədiyini yoxladıqdan sonra telefonu alıb baxdı. Zəng Turaldan gəlirdi. Əsəbiləşdi. "Sabahın gözü açılmamış bu niyə zəng edir?" - dedi öz-özünə. Və Aylinin gəldiyini görüb cəld telefonu yerinə qoydu. Aylin telefonun səsini eşidib :
-Aa mənə zəng gəlir ki, - dedi və telefonu götürdü.
-Mən səsləndim, amma eşitmədin, - dedi Səlim. Və niyə yalan dediyini özü də anlamadı.
Aylin zəngi açdı.
-Alo.
-Aylin, salam.
-Tural..
-Bağışla, səhər - səhər narahat etdim. Oyatmadım inşallah.
-Yox, yox nə danışırsan? Nə narahatçılığı?Oyaq idim.
-İnan, neçə gündür başımı qaşımağa vaxt tapa bilməmişəm. Səni maşınınla da maraqlana bilmədim. Bu gün sənə təhvil veriləcək. Mən səni bu gün apararam işə. Olar?
Aylin Səlimə tərəf baxdı. Səlim guya heç maraqlanmırdı onların nə haqda danışdığı ilə. Əslində isə, ürəyi partlayırdı. Nə danışdıqlarını eşitmək istəyirdi.
-Tural, bir dəqiqə gözləyə bilərsən?-deyib salona keçdi.
-Hə, hə buyur. Gözləyirəm.
Aylin Səlimə tərəf gəlib astadan utanaraq soruşdu:
-Səlim.
Guya heç Aylinin gəldiyinin fərqində deyildi.
-Həə, Aylin. Burda idin?
-Mənim maşınım hələ də təmirdədir. Bu gün təhvil veriləcək. Sən məni Klinikaya apara bilərsən? Əgər işin varsa..
-Yox, yox. Problem deyil, mən apararam,-dedi. Əslində,