xəyanətini öyrəndikdən sonra da sevən biri heç vaxt başqa qadına aşiq olmayacaqdı deyə düşünürdü. Lakin indi gördüyü səhnə başqa şeyi sübut edirdi. Yaşar bu gənc , köməksiz varlığa aşiq olmaq nə kəlimə, tutqu ilə bağlanmışdı.
-Yaşar, -deyə sağ əlindəki qovluğu sol əlinə keçirib onun çiyninə toxunanda Yaşar başını qaldırıb keçmiş rəfiqəsini gördü və ayağa qalxdı.
-Əsmər, o necədir? Nə olub ona? -həyəcan o qədər yüksək idi ki, Yaşar həkimin simasına bir neçə saniyə baxdıqdan sonra onunla heç salamlaşmadığını xatırladı.Buraya gəldiyi andan o, həkim və tibb bacılarını suallarıyla dəli etməklə məşğul idi.
-Bagışla, özün necəsən? Gələndən səni ancaq suallarımla dəli edirəm. Neyləyirsən? - əllərini cibinə salıb məcburi gülüşü qondurdu üzünə.
-Narahat olma, Yaşar. Səni başa düşürəm. Danışmaq üçün mənim otağıma keçsək olar?
İkisi də xəstəxananın uzun dəhlizi ilə irəliləyib ,sağ tərəfdə, üzərində "Həkim Terapevt- Əliyeva Əsmər" yazılı qapıdan içəri keçdilər. Xəstəxananın digər yerlərindəki kimi ,bu otaqda da kəskin dərman qoxusu ilə yanaşı ,çox təmiz hava hiss olunurdu. Əsmər öz masası arxasına əyləşib, Yaşara da oturmağı təklif etdi.
-Yaşar, düzü, bu mənim sahəm deyil , amma düşündüm ki, sənə izahı mən versəm yaxşı olar.
-Nə olub ,Əsmər? Bahara ciddi nə isə olub? Xəstəliyi nədir? Niyə ürəyi gedib?
-Sən mənə simptomları izah edəndə ilk öncə səni təbrik etmək istədim.
-Necə yəni?
-Düşündüm ki, arvadın hamilədir.
Yaşarın gözləri böyüdü. Necə olmuşdu ki, Baharın hamilə qala biləcəyi ehtimalını heçə saymışdı. Axı, o, belə ağılsızlığı necə edə bilərdi? Onun ,nifrət və təcavüz nəticəsində yaranacaq uşağın doğuşuna imkan verə biləcək gücü yox idi.
-Yyəni...Bahar hamilə deyil, hə?- Yaşarın səsindəki qorxunu eşitməmək üçün kar olmaq lazım idi. Əsmər də qarşısında bu xəbəri almaqdan qorxan kişinin oturduğunu dərhal hiss etmişdi.
-Xeyr, deyil. Amma olsaydı daha yaxşı olardı. Çünki bundan sonra hamilə qalması üçün siz çox çalışmalısınız.
-Necə yəni?
-Sabah qan