n analizlərinin nəticəsinə baxandan sonra dəqiq deyə biləcəyəm, amma ilkin ehtimala görə həyat yoldaşın bulimiyadan əziyyət çəkir.
-Bulimiya?- Yaşar ağız-burnunu əydi.
-Hə, Yaşar. Xəstəlik hələ başlanğıc mərhələdədir deyə narahat olmağa çox əsas yoxdur. Lakin ciddi nəzarət tələb edir ki, irəliləməsin.
-Nə etməliyik, yəni, daha doğrusu, nəyə görə, necə? Nədir bu zəhrimara qalmış bulimiya?
-Yaşar,- Əsmər gözlərini qıydı və dirsəklərini masasının üzərinə qoyaraq , əllərini birləşdirdi.- Siz tək qalırsız?
-Hə, bir həftə olmayıb hələ, başqa evə köçmüşük.
-Yəqin ona görə xəbərin olmayıb onun halından, - həkim şübhə ilə qarşısında onun üzünə baxa bilməyən Yaşarın simasını nəzərdən keçirdi.
-Niyə ki?
-Sən ən azından onun necə qidalandığını görsəydin başa düşərdin. O, bəlkə də, əlinə keçən hər şeyi yeyirmiş. Sonra da, böyük ehtimalla hamısını məcburi şəkildə qaytarırmış.Ürəyi getməsəydi xəbərin də olmayacaqdı. Bahar güclü stress və depressiyadan əziyyət çəkir. Günlərdir öz bədəninə əzab verməklə məşğuldur. Evdə tək olduğu üçün də heç kim görməyib. Yəqin sənin də başın qarışıq olub. Qorxma, müalicə ilə keçəcək hamısı. Sadəcə bir müddət qidasına fikir ver. Stres və əsəbdən uzaq olsun. Açıq deyəcəm, Yaşar , əgər indi üzərinə düşməsən çox pis ola bilər. Bahar çox zərifdir. Gənc olması da zəifliyinin səbəblərindən biridir. Gələcəkdə uşaq sahibi olması da məhz bu xəstəliyə görə çətinləşə bilər.
Yaşar heç nə demədi.Başı ilə razılıq verib süni şəkildə gülümsədi. Əsmər analizlərin cavabları üçün sabah ona yaxınlaşmasını və nəzarət üçün Baharın yanında bir neçə gün ayrılmamasını məsləhət etdikdən sonra onu palataya yola salmışdı. Əslində, şübhələri bitməmiş və Baharın bədənində müşahidə etdiyi bəzi zorakılıq əlamətlərinə aid də nə isə demək istəyirdi, lakin ölkədə yaradılmış əxlaq prinsipləri buna yol vermirdi. Həm, Əsmər qədim dostunun bunu etdiyinə inanmaqda çətinlik çəkirdi.
Bahara köçürülən damcılayıcı bitmiş, özü də artıq ayılmışdı. Yaşar qayğı ilə əlindən tutub