düşməsin.Eynilə Cavidan və Mariyanın da Bahar ilə görüşmək cəhdləri hər zaman Yaşar tərəfindən uğursuzluğa düçar olurdu. Yaşar özünü də , Baharı da bütün dünyadan təcrid etmişdi. Xoşbəxtlikdən Yaşar Sənanı da görmürdü artıq. Sənanı sonuncu dəfə küçədəki maşında gördüyü gündən iki həftə keçmişdi. Yaşar onun əsəbini Bahardan bütün sərtliyi ilə çıxdığı gündən sonra bir daha qıza yaxınlaşmamışdı. Heç Bahar özü də ərinə barmağıyla belə olsa, ona toxunmasına icazə vermirdi. Onu cəzalandırmaq üçün gətirdiyi bu evdə indi Yaşar həyat yoldaşına qulluq edir, onu bir an da olsa, gözdən qoymurdu. Bahar boşanmaq haqqında bir daha dillənməsə də , hər hərəkəti, davranışı, Yaşarı ən adi bir şey üçün də dindirməməsi ,bu fikirdən imtina etmədiyi mənasına gəlirdi. Yaşar dəfələrlə onu yataqda yatmağa məcbur etmək istəmiş, hətta "Yenə divanda yatsan, bir daha bu evdən ayağını bayıra atmayacaqsan!" deyə təhdid etmişdi, lakin qız heç cür boyun əyməyəcəyini hər hərəkəti ilə göstərirdi. Son zamanlar Baharda yeni adət də yaranmışdı. O, bu evdə tapdığı köhnə disklər arasında Rəşid Behbudovun ifasında "Sənə də qalmaz" mahnısını hər gün dvd maqnitafona salır və dəfələrlə qulaq asırdı. Yaşar xatırlaya bilmirdi ki, bu disk haradan idi. Onu Nuray almışdı, ya o? Lakin bildiyi bir şey var idi: Bahar ancaq və ancaq bu mahnıya qulaq asanda gülümsəyirdi. Hər gün həsrətində olduğu bu gülümsəməni görmək üçün Yaşar qonaq otağına gəlir və qapının arxasında dayanıb, gizli sevən oğlanlar kimi öz həyat yoldaşını xəlvətcə izləyirdi. Bu evə gəldikləri gündən 3 həftə keçirdi. Yaşar əlində sini ilə içəri keçəndə Bahar evdəki tək hamam yataq otağının içərisində olduğu üçün çıxıb ,ərini otaqda gördü və dayandı. Bir az duruxsunduqdan sonra onun yanından ötüb keçmək istəsə də , Yaşar əlindəkini cəld yatağın yanındakı komodun üzərinə qoyub onun qarşısını kəsdi. -Bahar , yemək yeməlisən! -Asağıda yeyəcəyəm. -Bahar, inad eləmə! -Yaşar əvvəlcə səsini yüksəltsə də , daha sonra tonunu aşağı endirdi- Keç otur yataqda.