. Burada ye, sonra sevimli qonaq otağına keçərsən, - kinayəylə qarışıq səsi əmr etdi. Bahar əsəblə üzünü əydi və heç nə demədən yatağın kənarında hər an qalxmağa hazır kimi oturdu. Yaşar keçib onun yanında oturanda , adəti üzrə qız yana çəkildi. Yaşar sininin üzərindəki kasanı əlinə aldı; qaşıq ilə içindəki mərci şorbasını qarışdırdı və Bahara doğru uzatdı. Baharın qaşığı onun əlindən almaq istəyi ürəyində qaldı. Yaşar bu dəfə onu yedirəcəyində iddialı idi. Bahar əvvəlcə başını arxaya çəksə də , Yaşar bir daha qaşığı irəli gətirəndə məcburi ağzını açdı. Bir qaşıq, iki qaşıq, üç qaşıq; Bahar bir az sonra özünü onun baxışlarının təsiri altında tapdı. Hər ağzını açanda, Yaşarın artıq qaralmaq üzrə olan havaya görə qaranlıq çökən otaqda parlayan gözləri daha da böyüyürmüş kimi gəlirdi ona. Bahar sanki kilidlənmişdı. Kasanın dibində sadəcə bir neçə qaşıq qalmışdı, amma Bahar refleksə sadiq qalaraq ağzını növbəti dəfə açanda , Yaşar anidən kasanı yatağın başına qoydu və Baharın sifətini ovucları arasına aldı. Qız heyrət və həyəcanla, onun növbəti addımını gözləyirmiş kimi Yaşarın gözlərinə baxmağa davam edirdi. Yaşar anidən , zorla onun dodaqlarına sahib olduğunda Bahar başını geri atdı. Lakin bu onun ərini saxlamamışdı. Baharın boğuq iniltisi də heç bir işə yaramırdı. Yaşar onu özünə tərəf çəkib, əlini qızın saçları arasına keçirdi. Məhz bu zaman o getdikcə dərinləşən öpüşünü yarım kəsib ,artıq heç bir tərəddüd göstərməyən arvadına baxdı. Bahar öpüş sayəsində şişən dodaqlarını dişləri arasında sıxdı.Yaşar başını arxaya çəkdi, lakin onu öz əlləri arasından buraxmadı. Sadəcə saçlarının arasında olan əli aşağı endi. -Sənə bu qədər iyrənc gəlirəm?- deyə o pıçıldadı.- Məni istəmirsən, hə? Yoxsa... Bahar əsən çənəsini idarə edə bilmirdi. Ağlamamaq üçün gözlərini sıxdı və başını endirdi. Amma Yaşarın növbəti dəfə dedikləri yenidən ona baxmasına səbəb olmuşdu. -Yoxsa məndən hamilə qalacaqsan deyə qorxursan? Bahar donmuşdu. Heç bu barədə fikirləşməmişdi də. Ondan hamilə