Bölüm 33

-Boşanmalıyıq. Niyə bilmirdi , amma Yaşar bu kəlməni eşidəyəcəyini gözləyirdi. Bilirdi ki, bir qadın qüruru uzun müddət dözə bilsə də ,bir gün mütləq dilə gələcək. Onun ürəyində itirmək qorxusu, təlaşı tüğyan etdiyi bir vaxtda , dili acı bibər kimi yandırmaq məqsədi ilə səsə gəldi. -Nə?- çox yaxşı eşitdiyi sözü anlamırmış kimi üz-gözünü əydi. -Yaşar... -Sən ? Sən məndən boşanmaq istəyirsən? -Səninlə razılaşmışdıq: 1 il sonra boşanmalı idik. Bu işi daha tez xətm etsək də olar. Əgər mənə bu qədər nifrət edirsənsə, sənə bu qədər əzab verirəmsə , sadəcə, boşanaq, - Baharın səs tonu özündən asılı olmayaraq qalxdı. Bütün bunlara reaksiya isə Yaşar tərəfindən ancaq kinayəylə gülümsəmək oldu. -Sən özün demişdin ki... -Onu görməyəcəksən!- Yaşar yumruğu masanın üzərinə vurdu. Süfrədəki hər şey bu vuruşun təsiri ilə silkələnmişdi. -Səni boşadığım günü; həmin əclaf ilə qovuşub arxamca güldüyünüz günü görməyəcəksən! İkiniz də görməyəcəksiniz!- onun işarət barmağı qızın burnuna doğru tuşlanmış, hətta burnunun ucuna dəymiş vəziyyətdə ,bir neçə dəfə irəli-geri tərpəndi. Bahar gözlərinin önünü örtən yaş təbəqəsini saxlamaq üçün dodaqlarını dişləri arasında sıxırdı. Anidən üzünü masaya doğru çevirib , əlinə keçən hər şeyi yeməyə başladı. Hələ dünən maşına atıb yuduğu ,təmiz süfrə yemək qırıntıları ilə ləkələnməyə başladı. Yaşar saniyələr ərzində həyatında ilk dəfə qarşılaşdığı səhnə ilə üz-üzə qaldı, lakin həkimin sözlərini xatırlayıb cəld Baharın əlindən tutdu. -Bəsdir, Bahar, qurtar. Belə yeməyə davam etsən, boğulacaqsan. Yaşar başa düşürdü ki, Bahar ac olduğu üçün deyil, sadəcə bədəninə əzab vermək istədiyi üçün bu cür ağlasığmaz hərəkətə əl atırdı. Bahar onun əlini hiddətlə itələyib öz əlini azad etdi və artıq ağzındakı yeməyə qarışan yaşlarla dolu gözlərini ərinə ünvanladı. - Özün az öncə yeməyimi istəyirdin,- yeməklə dolu ağzını güclə tərpədib donquldandı.- Mən də yeyirəm! -Bəsdir, Bahar!- Yaşar yenidən dəlilər kimi yeməyə davam edən arvadını bu dəfə