almağa çalışdım. Kənan bəyin baxışları mənə təsir etmişdi. Bunun səbəbini tam olaraq başa düşə bilməsəm də, bunun xəyanətlə bağlı olduğunu bilirdim. Özümü ələ aldıqdan sonra eyvana geri döndüyüm zaman qonaqlar ayaqlanmışdı. - Hümeyra xanım, hər şey üçün təşəkkür edirəm. - Xoşdur, Kənan bəy. - Əli, bir az gözlə, mən Hümeyraya kömək edim. Gəlinimizin nəzakətli davranışına qarşılıq gülümsəyərək dilləndim. - Əzizim, əziyyət çəkmə, mən həll edərəm. - Olmaz elə. Bərabər təmizləyərik indi. - Yaxşı. Daha da etiraz etməyib razılaşmışdım. - Siz işinizdə olun, biz Kənanla aşağıdayıq. Qardaşımla Kənan bəy çıxdıqdan sonra təmizliyə başladıq. Mətbəxi toplarkən gəlinimiz dilləndi. - Hümeyracan, səncə də Kənanda bir durğunluq yox idi? - Necə yəni? - Kənan çox şən, həyat dolu biridir, amma bu gün qəribə idi nəsə. Yəqin, keçmiş həyat yoldaşı ilə nəsə olub. - Uşaqları var? - Yox. - Onda nə ola bilər ki? - Deyəsən, barışmaq istəyir. - Başa düşdüm. - Deyirəm, qadında da üz var. Bu qədər olanlardan sonra utanmır hələ barışmaq istəyir. Hümeyracan, təsəvvür edirsən, Kənan onu tək qoymamaq üçün buraya tez qayıdır, ancaq həyat yoldaşını başqa adamla görür… Biz buraya gəldiyimiz zaman Kənan çox pərişan halda idi. Onu çox yaxşı başa düşürdüm. Xəyanət insanın özgüvənini paramparça edən və özünü dəyərsiz hiss etdirən bir məfhum idi. Mənim boşanmağımın kökündə xəyanət olduğunu heç kim bilmirdi. Xəzərlə yola getmədiyimiz üçün boşandığımı demişdim. - Hümeyracan, mənim işim bitdi. Əlini çox gözlətməyim. - Yaxşı, canım, get. Hər şey üçün çox sağ ol. Gəlinimiz getdikdən sonra qalan işlərimi də bitirib otağıma keçdim. Yatağa uzanıb sadəcə işim haqqında düşünməyə başladım. Sadəcə bunu düşünməli idim, başqa şeyləri, ən əsasıda keçmişi yox. Səhər erkəndən hazırlaşıb işə yollandım. Otağa daxil olduğum an masadakı qovluqlar gözümə çarpmışdı. - Hümeyra xanım, bunları Kənan bəy göndərdi. Axşama kimi hazır olub imzalanmalıdı. (Ms. Humeira, they were sent by Mr. Kenan. It should be ready and signed by