sevimli Kazım əmin qarşı çıxdı. Bu kişi peşəsi deyil,dedi. Bu mənə təsir etmişdi. Ondan sonra da daha gitaranı heç əlimə almadım.
-Bəs nəcəb gitara çalmağı öyrənməyə qoyub.
Səlim şən qəhqəhə atdı.
-Ondan xəbərsiz öyrənmişdim..
-Heyif ,Səlim. Sənə çox yaraşardı gitara.
Bir -birinə baxdılar.

Mahnı da artıq bitmişdi.
-Mahnı da bitdi,heyif. Bilirsən ,həmişə deyirdim ki, qızım olsa, adını Dəniz qoyacam. Səncə də,gözəl ad deyilmi?-deyərək sual dolu baxışlarla Aylinə baxdı.
-Çox qəşəng addır...
"Bəli,Sara ilə olan qızları.. Adı da gözəl olar.. Dəniz..", - düşündü Aylin. Xəyalında belə Səlimə yaxın dura bilmirdi. Xəyalında da utanırdı. Elə bilirdi ,Səlim onun nə düşündüyünü bilir. Buna görə də xəyalında belə onu Sara ilə xəyal edirdi. Necə də böyük işgəncə olmalı idi bu. Sevdiyin adam başqasına aiddir. Səlimə baxdı. Həsrətlə baxdı. İndidən darıxmağa başlayırdı sanki. Səlimdən sonrakı həyatını təsəvvür elədi. Gözləri doldu. Səlimə nəzər yetirdi. Səlim yola baxırdı. Aylinin düşüncələrindən xəbərsiz öz dünyasında xoşbəxt idi. Aylinin fikri isə keçən 4 ayda və keçəcək 2 ayda qalmışdı. Səlimli 6 ay yerini Səlimsiz əbədiyyətə buraxıb gedəndə Aylin də buraları əbədi tərk etməyi düşünürdü. Hər gün bunu düşünürdü. Özünü alışdırmaq istəmirdi bu evliliyə. Bu eşq gündən - günə daha çox böyümüş olsa da, Aylin əbədi bağlayacaqdı qəlbinin qapısını. Ora başqa heç kimi salmaq istəmirdi.Çünki o, Səlimi saf bir sevgi ilə sevirdi. Əsla qəlblə də olsa, Səlimə xəyanət edə bilməzdi. Ürəyinə ondan başqasını almaq istəmirdi.
Evə çatıb içəri daxil olanda Aylinin gözü Səlim üçün xüsusi olaraq hazırlatdığı torta sataşdı.Səlimə sarı dönərək:
-Səlim, nə qədər təkid etsələr də, mən tortu sənin kəsməni istədim. Ona görə də indi zəhmət çəkib kəsməli olacaqsan,-deyib Aylin dərhal Şamları yandırdı.
-Səlim, söndür şamları.
-Hər şeyi düşünmüsən ki sən,-deyib Səlim şamı söndürmək istəyəndə Aylin onu saxladı.
-Dayan. Dayan, Səlim.. Bəs arzu?, - dedi uşaq saflığı ilə.
-Yaxşı,-deyərək güldü və