ə də Turalla danışdığını görüb etik qaydalara zidd olsa da, marağına güc gələ bilməyib qulaq asmağa başladı.
-Nə haqda Tural?
-Aylin, sadəcə onu deyə bilərəm ki, vacib məsələdir. Sənin bilməyini istəyirəm.
-Yaxşı, Tural. Mənim işlədiyim klinika ilə üzbəüz olan kafeni bilirsən? Bax ora gələrsən.
-Saat neçədə münasib olarsan?-dedi Tural həyəcanını gizlədə bilməyərək.
-Saat 1dən sonra. Onsuzda, nahar edəcəm. Birlikdə edərik naharı. Sən də nə danışacaqsansa, danışarsan.
-Oldu, Aylin, - dedi və sevincli şəkildə telefonu söndürdü.
"Demək, görüşəcəklər. Bu Turaldan heç xoşum gəlmir. Yenə nə düşünür bu, görəsən",-düşünərək Səlim yenidən masada yerini aldı.
-Kim idi ki,zəng edən?-Səlim Turalın zəng etdiyini bilsə də, Aylindən eşitmək istəyirdi.
-Tural idi,-deyərək sonra istehza ilə əlavə etdi,-Sara idi sənə də zəng edən , deyəsən.
-Hə ,o,idi.
-Lap yaxşı.
-Niyə zəng etmişdi ki Tural ?
-Mən heç soruşuram ki,Sara niyə sənə zəng edib?-deyərək meydan oxuyucu baxışlarını Səlimə dikdi.
Aylinin ağzından söz almağa çalışsa da, Aylin heç açıq vermirdi. Heç nə də demədi.
-Mən elə-belə soruşdum. Nəyimə lazımdır?-deyərək Səlim üzünü turşutdu. "Niyə də deməlidir? Bu Aylinin həyatıdır. Mənə ki aidiyyatı yoxdur",-deyə Səlim düşündü.Bu düşündüyündən əsəbiləşdi. Və Aylinin heç anlamadığı bir əsəblə masadan qalxıb geyinərək bayıra çıxanda qapını da əsəblə çırpdı.Aylin Səlimin arxasınca təəcüblü bir baxış atdı.
-Buna noldu belə?"-deyərək dodağını büzdü,Bunun da sağı-solu bəlli deyil. E mənə nə?"-deyərək masanı yığışdırmağa başladı.Sonra öz - özünə :Gərək Gülnarə xalanın yerinə başqa işçi tapım hələlik, - dedi.
Masanı topladıqdan sonra evdən çıxdı. İşə getməli idi. Yolda da düşündü ki, Tural, görəsən, nə deyəcək.
Ah, Tural...Tural öz aləmində idi. Sevirdi və Aylini tezliklə bu saxta evlilik bitdikdən sonra öz həyat yoldaşı etmək istəyirdi. İllərdir sevdiyi Aylini. İndi də qərara gəlmişdi ki,evliliyin bitməsini gözləməsin. Nə qədər ki,Aylinin ürəyi Səlimə doğru getməyib tez öz