gözlərini Səlimə çevirdi.
Səlim heç halını pozmadan :
-Mənim üçün on dəqiqə də çoxdur, - dedi.
Nəhayət ki,tıxacdan qurtulub son sürətlə maşını sürməyə başladı.
-Səlim, asta sür. İndi o dünyalıq olacağıq ikimiz də. Mən hələ bezməmişəm həyatımdan,-Samir az qala qışqırdı.
-Sus da, Samir. Elə bil dilotu yemisən. Özün istədin də gəlməyi. Artıq az qalıb narahat olma. Çatırıq.
***
-Aylin, biz uşaq olanda da böyüyəndə də birlikdə olmuşuq. Səninlə həmişə əlaqəmiz olub. Təhsil üçün xaricə gedəndə də orda çox qalmadım.Sənin yaşadığın evə yaxın ev kirayələmişdim. Yadındadır? Universitetimə yaxın olduğunu demişdim. Amma elə deyildi.
-Niyə? - Aylin şokda idi. Qorxaq nəzərlərlə, titrək səsi ilə soruşdu.
Tural Aylinin əlini tutdu. Aylin sanki etiraz etmə qabiliyyətini itirmişdi. Əlini çəkmədi. O an nə baş verdiyini anlamağa çalışdığı üçün etiraz edə bilmirdi.Sadəcə əlini tutan Turala baxdı.Bu vaxt Səlim içəri girdi. Kənarda oturan Turalla Aylini gördü. Tural hərarətlə danışırdı və Aylinlə bir -birinə baxardılar. Həm də Tural Aylinin -Səlimin sevdiyi qadının əlini tuturdu. Aylin isə heç də halından narazı deyildi.
-Aylin mən səni sevirəm.. Mən səni hər şeydən,hər kəsdən çox sevirəm. Mən səni parta yoldaşım olanda sevirdim. Sən mənə əsəbiləşəndə mən səni sevirdim. Mən səni çox sevdim. İndi də sevirəm. Rusiyada qalmağım üçün nə qədər təkid etsələr də ,mən qalmadım. Çünki sevdiyim qız burda idi.Sən burda idin,Aylin.Ona görə də mən qayıtdım.Evli olduğunu biləndə həyat qaraldı gözümdə..Səni itirdiyimi sandım.Sən evliliyinin kağız üstündə olduğunu deyəndə mən nə qədər sevinmişdim,sən təxmin belə edə bilməzsən.Onda qərar verdim ki, sən mənim həyat yoldaşım olacaqsan. Bilirəm ki, sən də mənə qarşı bir şeylər hiss edirsən..Sən də sevirsən. Biz bir-birimizi sevirik...
Səlim bu eşitdikləri qarşısında donub qalmışdı.Daha dözə bilməyib söhbətin ardına qulaq asmadı. Bütün ümidləri puç olmuşdu. Aylini sevdiyini daha yeni özünə etiraf etmişkən Aylinin Turalı sevdiyini öyrənmək onun