very angry. Mr. Ali tries to calm down.)
- Lara, sən nələr danışırsan? Axı sənədlər məndədi. (Lara, what are you talking about? After all, I had the documents.)
Qızın çaşqılığına məhəl qoymadan iti addımlarla Əlinin otağına daxil oldum. Əli böyük pəncərənin qabağında dayanıb alınını ovuşdurarkən, Kənan iki əlini masaya dayayıb dərin - dərin nəfəs alaraq sakitləşməyə çalışırdı. Doğurdan da qəzəbli görünürdü.
- Salam, gecikdiyim üçün üzr istəyirəm. Yeni layihənin büdcə sənədləri məndədir.
- Nə?
Kənan qamətini düzəldib gözlərini üzümdə sabitlədi.
- Qaydaya sala bilmək üçün özümlə aparmışdım.
- Kənan, sakitləş artıq. Bax, ortada heç bir problem qalmadı.
Əlinin sözlərindən sonra gülümsəyərək Kənana doğru gedərək sənədləri uzatdım.
- Sən, nə etdiyinin fərqindəsən?!
- Başa düşmədim?
Kənanın qəzəblə mənə ünvanladığı sual, özümü itirməyimə səbəb olmuşdu.
- Necə yəni başa düşmədim, Hümeyra?! Sənədləri xəbərsizcə evə aparmağın bəs deyilmiş kimi, işə də gecikirsən?!
- Axı, demişdim mən yoxlayacağam deyə.
- Bəli, amma evə aparacağını deməmişdin!
- Mən çox təəssüf edirəm.
- Niyə?! Adamlar deyəcəklərini mənə dedilər, məni məsuliyyətsiz adlandırdılar! Sən niyə təəssüflənirsən?!
Kənanın sakit, amma əsəblə dediyi sözlər, sanki bir ox idi. Çox pis olmuşdum.
- Kənan!
Əli dayana bilməyib qışqırdığı zaman ona tərəf dönüb gülümsədim. İstəməzdim mənə görə aralarında söz - söhbət olsun.
- Qardaş, Kənan bəy haqlıdır. Bütün məsuliyyətsizlik və səhvlər mənə aiddir.
Daha sonra Kənana tərəf dönüb qaşlarımı düyünlədim.
- Bir daha olmaz, Kənan bəy, nə işə gecikərəm, nə də sizdən xəbərsiz sənədləri evə apararam.
Otaqdan çıxıb bir başa öz otağıma gəlmişdim. Qəzəblə çantamı masanın üstünə atıb otaqda var - gəl etməyə başladım. Ortada çox ciddi problem olmamasına rəğmən Kənanın mənə bu cür davranmasına çox pis olmuşdum.
- Axmaq, kütbeyin, sən mənə necə belə davrana bilərsən?! Sən özünü nə hesab edirsən ki, mənə qışqırırsan?!
Bu sırada otağın qapısı döyülmədən açıldı və