gözəl idi. Mənim o yaşananlara dair bilmək istədiyim tək şey var, - Nədir bilmək istədiyin? - Mənə dediklərini həqiqətən içindən gələrəkmi dedin, yoxsa mənə acıdığın üçünmü dedin? - Yenə başa döndük. - dedi, bezgincə və başını bulayaraq davam etdi. - Əzizim, başa düş xahiş edirəm, mən sənə acımıram. Həm sənə acımağım üçün heç bir səbəb yoxdur. Sənə dediklərim kəliməsi kəliməsinə ürəyimdən keçənlərdir. Heç bir söz demədən başımı əyib yoluma davam etdim. Bu olanlar məni çox sevindirmişdi. - Hümeyra, heç nə deməyəcəksən? Kənanın sözləri ilə geri döndüm. - Nə deməyimi istəyirsən? - Məsələn, o gizlətməyə çalışdığın təbəssümünün açıqlamasını verə bilərsən, - Özün dedin "gizli" deyə. Yönümü çevirib addımlamağa başladım. Ağzım az qala qulaqlarıma çatırdı. Deyəsən, ağlımı itirirdim. - Hümeyra, Kənanın səsləməsi ilə təkrar geri döndüm və gördüklərimlə yerimdə donub qaldım. Onun əlində haradan gəldiyini bilmədiyim güllər vardı. - Bunlar haradan çıxdı? - Sürücüyə tapşırmışdım, o, gətirdi. - Niyə, nəyinə lazımdır? Mənim marağım qarşısında Kənan gülümsəyib gülləri mənə uzatdı. - Sənin üçündür. - Baxışlarını üzümdə sabitlədi. - Bağışla məni. Gülləri alıb sinəmə sıxaraq gülümsədim. - Səni bağışlamağım niyə bu qədər vacibdir? - Hələ də, başa düşmürsən elə deyilmi? - Nəyi? Yaxınlaşıb qolumdan tutaraq mavilərini üzümdə gəzdirdi. - Gördüyüm ilk gündən bəri sevirəm səni… Toyda gördüyüm o hüzünlü gözlər ağlıma necə işləyibsə, günlər, aylar yetmədi unutmağa. Tam oldu, unutdum dediyim an buraya gəldin, həm də tək. Deyəsən, nəsə deməli idim, amma donmuşdum, ya da zaman durmuşdu. Yox, yox zaman öz axarında davam edirdi, sadəcə mən donmuşdum. Sevdiyim adam mənə eşqini elan edirdi. O, da məni sevirmiş, həm də ilk gündən… İlk gündən… İlk gündən? Axı o zaman Kənan evli idi? Mən bunu daha əvvəl niyə düşünməmişdim? Ah Hümeyra bunun fərqinə varacaq bu günü tapdın? - Toyda məni gördüyün zaman sən evli idin, həyatında biri varkən mənə vuruldun? Kənan məyus halda başını yellədi və bir az aralıdakı