ilk gündən Bahar ilə heç bir çətinlik olmadan işləməyə başlamışdı. Bahara hər gün sevgisini necə etiraf edəcəyini düşündüyü halda onu qeydiyyata almaq lazım gəldiyində vəsiqədə qeyd olunan "evli" statusu onu yerlə yeksan etmişdi. Bahar gülümsəyərək "Bu qədərmi evli birinə bənzəmirəm?" deyə soruşduğunda isə özündən asılı olmayaraq "Sən bunun üçün hələ çox gəncsən axı" cavabını vermişdi. Həmin an onun üzündəki təəssüfü görməmək üçün kor olmaq lazım idi. Bahar da hiss etmişdi. Ona aşiq olan kişinin hisslərini duymaq üçün Bahar artıq yetərincə böyümüşdü. Ona görə də həmin gündən sonra Elvin ilə aralarında məsafə saxlamaq qərarı almışdı. Lakin Elvin yaxşı müdir olduğu qədər çox yaxşı dost idi. Öz sevgisini qəlbinə basdırıb ona əsl dost kimi davranmağı çox yaxşı bacarırdı. Hər işdə Bahara kömək edir, yardım əlini uzadır və heç nədə ona imtina etmirdi. Bahar uzun müddət qızlarda axtardığı dostluğu bu insanda tapmışdı. Onunla bərabər Cavidan ilə Mariya da Bahar üçün əllərindən gələni edirdilər. Bahar Mariya ilə Bakının hər qarışını gəzir, hər şeyi öyrənir, Cavidan ilə müəllimlərin yanına gedir, dil öyrənir və zaman keçdikcə başqa birinə çevrilirdi. Fateh sayəsində Bahar indi öz ayaqları üzərində dayana bilən əsl qadına çevrilmişdi. Cəmi 1 il və Bahar artıq öz pulunu qazanan və istədiyi hər şeyi edib, hər yerə gedən , hər şeyi alan biri idi. Bakıya gəldiyi ilk günlərdə azıb qaldığı və ilk dəfə Yaşara sarıldığı günü indi bu küçələrdə sərbəst gəzib-dolaşdığı zamanlar tez-tez yadına salırdı. İndi onunla əl-ələ gəzə bilərdi... Darıxırdı? Nifrət edirdi? Sevirdi? Nə idi bütün bunlar? Bahar ona edilən heç nəyi unutmamışdı; hər şey eyni idi. Bahar ona toxunulan hər ağrını, tökdüyü hər göz yaşını, yaşadığı bütün acıları xatırlayırdı. Bu bir il ərzində o, ərinin nə səsini eşitmiş, nə üzünü görmüşdü. Burnunun ucu göynəyir, gözləri hər yerdə onu axtarır, ətrini almaq üçün dolabda qalan geyimlərini dəfələrlə iyləyir,bağrına basır, lakin qayınatası hər dəfə ona "Yaşar ilə danışmaq