sadəcə 3 gün burada olacağını dediyi andan Bahar özündə deyildi. Elvindən bu günə qədər icazə almamışdı. Bu ilk icazə də ona hər şeyin ilkini yaşadan adam üçün idi. Əgər Yaşar onun həyatında bir sözlə ifadə edilməli olsaydı o zaman bu kəlmə 'ilk" olardı. Bahar işdən çıxan kimi ticarət mərkəzinə yollanmış, özünə yeni don , kosmetika və ən əsas alt-paltarı almış, bir başa evə yollanmış, dərhal hamama keçmişdi. Yeni alt-paltarını, üzərindən də donunu geyindikdən sonra üzünə sadə, bir o qədər də gözəlliyini qabardıb üzə çıxara biləcək makiyaj etdi və saçlarını səliqəyə saldı. Axşam saat 6 idi. Yaşarın gəlməyinə hələ 2 saat qalmışdı. Fateh oğlunun əvvəlcə toplantıya qatılıb saat 8-ə, ən geci isə 9-a gələcəyini deyəndə Bahar evdən çıxmağa hazırlaşırdı, lakin ayaq saxlayıb bir az gözləmişdi ki, hər şeyi dəqiq eşitsin.İndi etdikləri ona elə mənasız, elə uşaqcasına gəlirdi ki... Gözlərini saatda dəqiqələr ilə saxladıqdan sonra güzgünün qarşısında qoyulmuş yaş salfetlərdən bir neçəsini götürüb səliqə ilə çəkdiyi hər şeyi üzündən əsəb ilə sildi. Bütün bunları niyə etmişdi? Kimə bəyəndirmək istəyirdi özünü? Bu nədir axı? Əynindəki yeni donu çıxarıb yerə atdı və bütün hirsini çıxmaq istəyi ilə təpikləməyə başladı. Özünü üzü üstə yatağın üzərinə atıb ağlamasından nə qədər keçirdi bilmirdi, amma hönkürtü bitmiş ,əvəzinə hıçqırıqlar başlamışdı. Və Bahar nəmli gözlərini qaldırıb saata baxdı. Artıq 8 idi. Hazırlaşması cəmi 10 dəqiqə çəkdi və hər gün geyindiyi ev geyimi ilə bir az sonra o aşağıda idi. Evdə səssizlik hökm sürürdü. Bahar dünəndən hazırlığa başlayan və bişirilməsi gərəkən reseptləri qulluqçulara başa salan Yuliyanın otaqda olduğunu öyrənəndə təəccübləndi və mətbəxdən qonaq otağına keçdi. Gözləri televizor ekranında olsa da fikri Yaşarın yanında qalan Bahar həyətdə maşın səsini eşidəndə ürək döyüntüləri artdı.Yenicə özünə gəlib ayağa qalxmağa hazırlaşırdı ki, qapının səsi eşidilmişdi. Nə deyəcəkdi? Nə edəcəkdi? Yaşar ilə özünü necə aparmalı idi? İndi, elə indi, düz 1