ç də yaxşı təsir etməmişdi. Başını ovucları arasına alıb sıxaraq baş verənləri və olacaq olan şeylər düşündü. Telefona gələn mesaj səsi ilə telefonu yenidən əlinə aldı və dərhal da üzündə təbəssüm yarandı...
"
Aylinin mesajı onu gülümsətməyə yetirdi. Son yazdığı mesajı,demək ,heç də pis yerə çəkməmişdi.Səlim Aylinin də ona qarşı hissləri olması düşüncəsində idi artıq və qərara gəlmişdi,nə olur, olsun,Aylinin qəlbini qazanmaq üçün əlindən gələni edəcəkdi. Həyatının tamamını ona həsr etməli idi. Nə olsa da, bir daha səhv etməyəcəyinə dair özünə söz verdi. "Aylin də sanki mənə qarşı nəsə hiss edir" deyə düşünüb gülümsəməyə başladı. Bütün günü üzündə güllər açmışdı.Aylin ona başdan-sona qədər hakim kəsilirdi. Onun əllərinin təması ilə, saçlarının qoxusu ilə yuxuya getmək, səhəri onun gözləri ilə açmaq istəyirdi.Həmişə yanında olub Səlimin onu sevdiyi kimi onun da Səlimi sevməsini istəyirdi. Onun dilindən "sevgilim" sözünü eşitmək üçün isə hər şeyini fəda etməyə razı idi.Təki Aylin onun sevdiyi, həyatını birləşdirdiyi qadın olaydı. Bir ömür birlikdə olub uşaqlarını böyüdəydilər. Onların uşaqları. Necə də gözəl olardı uşaqları. Aylinə bənzəyən sarışın bir qız. Xəyal qurmağı sevməyən Səlim üzündə sərsəm ifadə ilə gülümsəyərək xəyal qururdu. Amma xəyal idi bunlar...
Axşam Səlim Aylini işdən aparmağa onun dalınca gəlmişdi. Bu ona xüsusi zövq verirdi. Həmişə onu işdən gətirmək, aparmaq kimi işlər ona aid olsun , istərdi. Səlimin köməkliyi ilə maşına əyləşdikdən sonra oturacaqda yerini rahatladı.
-Ayağın çox ağrımır?-Səlimin həqiqi narahatlığı üzündən oxunurdu. Aylinə verdiyi dəyər açıq-aşkar bəlli idi və Aylin artıq Səlimin ona biganə olmadığını düşünməyə başlayırdı.
-Çox ağrımır,-dedi və sonra xüsusi əda ilə gözünü süzdürərək,-narahat olmayın,mister qaraqabaq,sizə yük olmaram,-dedi.Əslində, Səlimin bayaq mesajla yazdığını indi dilindən eşitmək istəyirdi. Bəlkə ,üzbəüz dediyi sözün nə məna kəsb etdiyini soruşmağa cəsarəti çatardı.
-Hmmm. Mən sənə dedim axı