qaçan Baharın ardınca getmək istəsə də Yaşarı hay-həşir ilə qarşılayan anası buna imkan vermədi.Onun üçün açdığı süfrəyə dediyi bütün xoş sözlər ilə əyləşdirib qarşısına hər cür naz-neməti düzəndə artıq yeyib gələn Yaşar Yuliyanın xətrinə dəyməmək üçün bir az oturub sonra yorğun olduğunu bildirərək ayağa qalxdı. -Yaşar, bir az otur anan ilə söhbət et , sonra gedərsən də. Bir ildir üzünə həsrətəm. Bu gün qonaqlıq etmək istədim dedin isim var. İndi yemək istəyirəm səninlə deyirsən yorğunam. Sabah da tezdən çıxıb gedəcəksən. Belə olmaz axı.- Yuliya hər zamankı əda ilə şikayətlənəndə divanda əyləşən Fateh Yaşara göz-qaş etdi. -Bas üstə, gözəl anam, sənin xətrinə oturacağam bir az daha, - Yaşar anasını çiyinlərindən tutub yeməklərdən uzaq olmaq məqsədilə atasının yanında əyləşdirdi və onların yanında özünə yer etdi. Söhbət getdiyi ilk gündən başlayıb gəzdiyi hər yerdə davam edərək son olaraq burada qalacağı zamanda bitdikdən sonra Yaşar razı qalan və uzun müddət sonra nəhayət ürəkdən gülən valideynlərinə yatmaq istədiyini bildirdi. Amma yuxarı qalxmaq istəyəndə Yuliya nəhayət, bu bir il ərzində gəlininin azadlığından yığdığı və saxladığı dilinin ucunda qalan zəhəri buraxmışdı. -Hə, indi əri gəlsə də bizimlə süfrə başında oturmayan arvadının yanına get. Yəqin çox yorulub bu gün işdə. Daha iş xanımı olub axı. -Yuliya!- Fateh sakit səslə belə arvadını bu dəfə də susdurmağı özünə borc bilmişdi. Yaşar anasının sözlərinə məhəl qoymadan gülümsəyərək -Siz də yatın. Ata, mən sabah günorta gələcəyəm ofisə. O vaxta qədər onsuz toplantı olmayacaq.- deyib Fatehin təsdiqini alar-almaz pilləkənləri iki-iki qalxdi və özünü otağa saldı. Gözlədiyi kimi də Bahar artıq yerində idi və yatmadığı bəlli olduğu halda özünü yatmışlığa vurmuşdu. Yaşar əynindəki pencəyi çıxarıb yatağın Bahar tərəfindən boş qoyulmuş hissəsinə atanda həyat yoldaşının səksəntisini hiss etsə də biruzə vermədən hamam otağına keçdi. Bahar o gəlmədən öncə yuxuya getmək üçün üzərindəki örtüyü əlləri ilə sıxır və