ə gözlərini bərk-bərk yumurdu ,lakin hamısı boşuna idi. Bir az sonra hamamdan çıxan Yaşar əynindəki son parçaları da soyunub səliqə ilə asılqana saldı və dolabdan asdı. Bahar ərinin əynində çox az nəyinsə qaldığını bilirdi. Yaşar yatağa uzanıb arxadan onu qucaqlayanda da bunu hiss edə bildi. Onun çılpaq dərisi Baharın çiyinlərinə təmas edəndə qızın tükləri biz-biz olmuşdı. Udqundu və özünü yuxuda imiş kimi aparmağa davam etdi. Yaşar da arvadının həyəcanını hiss etdiyi üçün çox irəli getmədən çənəsini onun çiynində yerləşdirib gözlərini yumdu. İndi Baharı geri qaytarmaq ,onun inamını yenidən qazanmaq üçün çox ehtiyatlı davranmaq lazım olduğunu yaxşı bilirdi. Baxmayaraq ki, bir ilin fiziki aclığı onu dəli edir və əlindəki imkanı dəyərləndirmək istəyi onu boğurdu, yenə də dözmək qərarı almışdı və bu işdə qətiyyətli idi. Bu dəfə Baharın hisslərini hər şeydən üstün tutacaqdı. Səhər Bahar gözlərini açanda yerində dik atıldı. Dünən qorxu içərisində yuxuya getdiyini xatırlaması ilə gözlərini böyütdü ,amma yataqda tək olduğunun fərqinə varanda dərindən nəfəs aldı. Bir az sonra isə rahatlıq hüznlə əvəz olundu. Kimi aldadırdı axı? Ən az Yaşar qədər yaxınlığa ehtiyacı var idi. Yaşarın qolları arasında qorxudan çox zövq almışdı dünən. Nə qədər qaça biləcəkdi ki ? Bütün olanları ömür boyu unuda bilməyəcəyini düşünür, ancaq o getdikdən bir neçə ay sonra Yaşarı yuxularında görməyə , özünü onunla dodaq-dodağa, nəfəs-nəfəsə təsəvvür etməyə başlamışdı. Özünü bütün fikirlərdən ayırıb otaqda tək olduğuna tam əmin olduqdan sonra duş qəbul etdi və işə hazırlaşdı. Yaşarın da işə getdiyini düşündüyü üçün həyətə çıxanda maşının qarşısında ərini görüb gözlərini böyütmüşdü. Baharın yeyin addımlarına qarşılıq Yaşar cəld irəliləyib arvadını əlindən tutdu və ağzını açmağa macal vermədən maşına oturtdu. -Zəng et və işdən icazə al. - sükan arxasına keçməsi ilə dediyi ilk söz Baharin gözlərinə təəccüb qondurdu. -Nə? -Eşitdiyin. Bu gün heç yerə getmirsən. Biz əvvəlcə səhər yeməyi edəcəyik, sonra