Bölüm 38

Fateh qonaq otağına keçəndə Bahar əynindəki ətəyi sıxaraq ona salam verdi və dərhal gözləri qonaq otağının qapısına doğru yönəldi. Nəzərləri uzaqdan güclə görünən giriş qapısının önündə gəzdi. Qulluqçulardan biri Fatehin dəri gödəkçəsini əlində tutaraq oradan uzaqlaşırdı. Bahar qayınatasının üzündəki təbəssümü görməmişdi. Fateh onun nəyə görə belə həyəcan keçirdiyindən xəbərsiz imiş kimi özünü aparıb içəri keçdi və divana əyləşdi. -Bu nədir baxırsan , Bahar? -Nə?- diksinən Bahar nəhayət gözlərini qapıdan çəkdi. Televizorun ekranında xarici kanalda müharibəyə aid alman filmi canlanırdı. -Hə, şey...Filmə baxırdım.- Bahar əlləri ilə ətəyini düzəldərək dilləndi və Fatehin yanında oturdu. -Axı ,film tərcüməsizdir, - Fateh yalançı təəccüb yaratmağa çalışdı. -Hhə...Cavidan deyir ki ingilis dilini öyrənmək üçün filmlərə tərcüməsiz baxım. -Qızım, bu alman dilidir. Bahar duruxsundu. Onsuz al olan yanaqları od tutub yanırdı. Bir tərəfdə Yaşar haqqında dinmək bilməyən fikirlər və onları göstərməmək istəyi, digər tərəfdən də ona aman verməyən Fateh vəziyyəti gərginləşdirirdi. -Hhə də... Nə də olsa, xarici dildir. Hamısı qulaqlara yaddır deyə gərək öz dillərində baxım filmlərə. -Yaxşı eləyirsən, əlbətdə, bax ,-Fateh onu daha çox utandırmamaq üçün gülüşünü güclə boğdu .- Bəs niyə belə tez gəlmisən? -Mən... Bu gün müdir icazə verdi... -Doğrudan? Qəribədir, adətən səni 10-a qədər tutub saxlayır, nə əcəb bu gün belə tez? Sabah tez çağırmır təsadüfən? -Şşey... Sabah evdəyəm . -Evdə? -Fateh qaşlarını qaldırdı. Dırnaqlarını bir-birinə sürtən gəlnini incitmək çox xoşuna gəlirdi.- Sənə heç öz ad günündə icazə verməyən biri ,indi nə əcəb evdə qalmağa qoyub? -Mən istədim. -Səbəb nədir? Sən axı ,işi buraxmağı heç sevmirsən. -Yorulmuşam sadəcə... -Həə... Başa düşdüm. Lap əla, sabah qal, dicəl. Evdə heç bir iş də görmə. Mən də bir-iki toplantıya baş çəkib gələcəyəm. -Bbəs... -Nə? -Sabah... Qonaqlıq. -Qonaqlıq? Nə münasibətlə? -Yuliya xanım demişdi ki... -Əşşi ,bu Yuliyanı