, sənə duyduğum sevgi sayəsində hər şeyi arxada qoyub həyatıma yeni başdan başladım. Sənin sayəndə mən yeniləndim, yeni birinə dönüşdüm. Sən mənə çox yaxşı gəldin... Əslində, sənin səyəndə həyatımda o qədər çox şey dəyişdi ki, başa salmağa kəlimlər kifayət etmir... Hümeyra, mən səninlə xoşbəxt oldum, məncə bunun dahası olmamalıdır. İndi sevdiyim qadınla evlənmək istəyirəm. Bunun yanlış bir tərəfi varmı? Hər gecə səninlə yatmaq istəməyimin və səhərlər səninlə oyanmaq istəməyimin harası qəribədir? Göz yaşlarım dayanmadan yanağım boyu süzülürdü. Kənanın hissləri qarşısında ağlamamaq qeyri - mümkün idi. Onun mənə olan sevgisinin bu qədər dərin olduğunu bilmirdim. Mən ilk dəfə bu cür sevilirdim, ilk dəfə birisi məni həyatının mərkəzinə qoyub sevmişdi. Mən həm bütün qəlbim və ruhumla Kənanı sevirdim, həm də onun mənə olan sevgisini sevirdim. Şəmsin ağlamsı ilə yuxudan ayılmış kimi yerimdə qımıldandım. Kənan məndən əvvəl ayağa qalxaraq uşağı qucağına aldı. Qucağında uşaqla o qədər xarizmatik görünürdü ki, səssizcə onları izləyirdim. Kənanı ilk dəfə idi ki, belə görürdüm. Gözlərinin içi gülürdü. Dayana bilməyib telefonu çıxararaq şəkillərini çəkdim. Bir şeydən əmin idim, o, çox gözəl ata olacaqdı. - Çox gözəl görünürsünüz. Axır ki səsimi çıxarıb dillənə bilmişdim. Kənan Şəmsi arabasına qoyub oturacağa oturdu. - Bilirsən, mən bəzən Əlini çox qısqanıram. Yaxşı mənada. - Necə yəni, niyə? - Çox gözəl ailəsi, onu çox sevən həyat yoldaşı və ən əsası dünyalar gözəli övladı var. - Başa düşdüm. - Mən uşaqlığımdan bu yana öz ailəmi xəyal etmişəm. Sevgi dolu bir ailə, çoxlu uşaqlar. Başa düşdüyüm qədəri ilə Kənan sevgiyə həsrət bir uşaqlıq keçirib. - Xəyallar gerçəkləşdirilmək üçündür. - dedim. Kənan mənə baxıb zorla gülümsədi. Baxışlarındakı xəyal qırıqlığını açıqca görmək olurdu. - Görünür, qismət deyilmiş. Cümləsini tamamlayıb ayağa qalxaraq ağır addımlarla parkın çıxışına doğru getməyə başladı. Donub yerimdəcə qalmışdım... Mən nə etmişdim belə? Kənanı xəyal qırıqlığına uğratmış,