insansan?
-Mən belə insanam. Sözün yoxdu, danışma onda. Sən guya süddən çıxan ağ qaşıqsan axı.
-Başa düşmədim, - dedi təəccüblə.
-Başa düşməzsən də. Sənə sərf etməyənləri başa düşmürsən.
-Mənə bax. Məni əsəb eləmə, - deyib üstünə gedib şəhadət barmağını göyə qaldırdı.
-Mənə barmaq silkələmə,-deyib o da onun üstünə gələrək barmağını silkələdi. Burun - buruna gəldilər. Nəfəslərini bir - birinin üzündə hiss etməyə başlamışdılar artıq.
-Sən öküzsən, - dedi nəfəs - nəfəsə qalaraq.
-Nə olsun ki? -deyərək Səlim Aylinin gözlərinə daha da şiddətlə baxdı. İkisi də içdən içə bir-birini arzulayırdılar. Gəl,gör ki, bunu hələ də anlamırdılar.
Bir az da belə qalsaydılar, tamam başqa şeylər ola bilərdi. Aylin cəld özünü ələ alıb tez arxaya çəkildi və özünü o yerə qoymadı.
-Sən get uşağının anasına elə öküzlük,-dedi və otağına girib qapını çırpdı.
-Mən nə edəcəyimi səndən soruşan deyiləm,-deyib o da otağının qapısını çırpdı.
***
Nigarın tanışlarından biri zəng edib :
-Nigar, indicə Əlini gördüm. Yanında bir qız var idi,-demişdi.
Əvvəlcə :Ola bilər, qohumudur, ya nəsə işlə bağlıdır,-deyə düşünmüşdü. Sonra Əliyə zəng edib harda olduğunu maraqlanmışdı. İşdə olduğunu deyəndə Nigar artıq şübhələnməyə başlamışdı. "Yəni, Əli məni aldadır?"
İlk öncə Aylinə zəng etdi. Aylin səhər Səlimlə rastlaşmamaq üçün işə tez gəlib dünən baş verənləri ən incə xırdalığına qədər düşünürdü. Gah, əsəbiləşirdi, gah da özünü sakitləşdirirdi. Arada su içməyi də təxirə salmırdı. Nigarın zəngi ilə onun bütün xəyalları, düşüncələri yarımçıq qaldı. Nigar ağlayaraq :
-Aylin, Əli, deyəsən,məni aldadır, - demişdi.
Aylin təlaşlanmışdı. Onsuzda, gözü Əlidən heç su içmirdi. Bu onun üçün bir yenilik deyildi. Amma rəfiqəsini pərişan görmək istəmirdi. Nigar onunla birlikdə Əlinin evinə getmək istəyirdi. Tək getsə, görəcəklərini ürəyi qaldıra bilməyəcəkdi.Aylin tez yerindən qalxıb Nigarın dediyi ünvana getməli idi. Amma o da sanki görmək istəmirdi olacaqları. Qorxurdu. Xəyanətlə rastlaşmaqdan həmişə çox