z sevgisi idi. Səlim sadəcə sərxoş olub və nə etdiyini,nə dediyini heç özü də bilməyib. Göz yaşlarını silərək bütün bu olanları Səlimə deməyəcəyi qərarına gəlib özünü ələ almağa çalışdı. Özünü Səlimin önündə alçalda bilməzdi. Həm də ki ona nə deyəcəkdi? Gecə mənə sahib oldun, mənə xoş sözlər deyərək yatağına alıb mənə sahib oldun ,indi isə bunu xatırlamırsan. Bunumu deyəcəkdi? Olmaz. Ona heç bir şey deməyəcəkdi. Ayağa qalxıb güzgüdə özünə baxdı. Gözləri ağlamaqdan şişmişdi. "Güclü ol, Aylin", - dedi və sonra əynini geyinib Nigara zəng edib işə gəlməyəcəyini söylədi. Ən yaxın marketlərdən birinə yollanaraq havanın soyuq olmasına əhəmiyyət verməyərək özünə dondurma,çoxlu şokolad, şirniyyat alıb evə gəldi və televizoru yandırıb kanalları bir-bir dəyişdi. Maraqlı heç nə tapa bilmədiyi üçün diskə baxmaq qərarına gəldi. İlk götürdüyü diski dvd-yə taxdı. Heç hansı film olduğuna da baxmamışdı. Film başlayanda gözləri doldu. Bu Səlimlə ilk baxdıqları film idi. "Sadəcə sən". Şokoladlarını açıb yeməyə başladı. Yedikcə ağlayır,ağladıqca yeyirdi.. Səlim ilə keçən ən gözəl günlər keçirdi gözünün önündən. Hələ heç Səlimdən ayrılmamış belə pərişandı. Ayrılsa, necə olacaqdı. Düşünüb ağlayırdı. Film bitənə qədər gözündə yaş qalmamışdı. Şokoladları və dondurmaları yemişdi. Ağlamaqdan haldan düşmüşdü. Yuxarı çıxıb bir az yatmağa ehtiyacı var idi.
***
Türklərlə iş görüşməsi yaxşı nəticə verdi. Birlikdə işləmək qərarına gəlib müqavilə də imzaladılar. Səlim görüşmə bitən kimi qonaqları yola salıb iki dənə baş ağrı dərmanı içdi. Başı dəhşət ağrıyırdı.
-Səlim, dünəndən sonra necəsən?
-Heç nə xatırlaya bilmirəm. Nə oldu? Necə oldu? - sual dolu nəzərlərini dostuna dikdi.
-Dünən mənə Rəşad zəng etdi. Sənin çox içdiyini, vəziyyətinin yaxşı olmadığını dedi. Mən də gəlib səni evə apardım. Sonra da Aylinə təslim edib geri qayıtdım.
-Sadəcə bu qədər? Evə girmədin?-Səlim təəccüblənmişdi. Heç nəyi xatırlamaması isə onu dəli edirdi.
-Hə, sadəcə evə qədər gətirdim. Nolub ki? Niyə