a Yaşar onun belinə sarılanda Bahar irkildi və boynunu yuxarı qaldırdı. -Səndən ancaq səni istəyirəm , Bahar, - Yaşarın isti nəfəsi artıq nəfəs alması çətinləşən qızın üz dərisini yandırdıqca əri bundan həzz alır və ona qarşı çıxan bütün maneələri dəf edirdi. -Bəsdi...- Bahar alnını onu dəli edən ərinin alnına yapışdırıb pıçıldadı. Lakin dayanmaq üçün hələ çox tez idi. Yaşar onun dodaqlarına öz dodaqları ilə yapışıb dəqiqələrlə buraxmadı. Dizlərinin taqəti çəkilən Bahar qarşılıq verir və yuxudan ayılmaq istəmirmiş kimi gözlərini sıx-sıx yummağa davam edirdi.Dilinin ilıq hərarətini, nəfəsinin qaynarlığını canına, qanına çəkdikcə ehtirasın şirin nəşəsi başını dumanlarırdı. İkisinin də içində tüğyan edən ehtiras alovu öz pikinə çatanda Yaşar qızın dodaqlarından ayrılıb xumarlanan nəzərlərini onun simasında gəzdirdi. Bahar gözlərini açmağa tələsmir, aralı qalmış dodaqlarında istiliyi hələ də hiss edirdi. Yaşar onu əlindən tutub maşına aparanda və arxa oturacağa oturdanda Bahar hələ də nə baş verdiyini dərk etməyən uşaqlar kimi ağzı açıq tez-tez nəfəs alır və ərini izləyirdi. Yaşar sükan arxasına keçib , əzalarına qədər yayılan ehtiras selinin gücü ilə maşını işə saldı. Bahar baxışlarını ərinin üzərindən çəkmədən boğazındakı şarfı açdı. İndi bağlı qalan hər şey onun canını