Bölüm 39

Bahar əlləri ilə üzünü örtüb artıq uzun zamandır unutduğu acı ilə ağlayırdı. Yaşar da bir ildir idi bu göz yaşlarını görməmişdi. İndi sancılan ürəyi Bahara cəhənnəm əzabı yaşatdığı evə geri qaytardı onu. Az idimi məgər ona çəkdirdikləri? O zaman açdığı yaralar qubar bağlamamış indi yenilərinə nə gərək var idi? Bahar ərinin ona doğru uzanan əlini sərt şəkildə geri çevirib -Toxunma!- dedi və maşından endi. Yaşar yerindən tərpənmədi. Onu dayandırmaq üçün heç bir cəhd göstərmədi və əlini hiss etməyincəyə qədər sükana vuraraq başını endirdi. Siqnal səsi uzun müddət dinmək bilməmişdi. Baharı bu dəfə dünənkindən daha pis vəziyyətdə görən Elvin yenə heç nə soruşmadı. Bu o demək deyildi ki, o bilmək istəmirdi. Sadəcə, Bahar üçün heç nə edə bilməməsi onu onsuz üzürdü. Bir az daha üstünə gələrək onu incitmək istəmirdi. Evlilikdə xoşbəxt olmadığını Elvin hələ ilk başlardan başa düşmüşdü. Uzun müddət ərzində əri haqqında heç nə danışmaması; hər dəfə evliliyi barədə söhbətlərdən yan keçməsi hər şeyi bəlli edirdi. Dünən baş verənlər və Yaşarın özünü o şəkildə aparması bütün şübhələri doğrultmuşdu. Bahar yenə susur və öz işini hər zaman olduğu kimi düzgün, səlist yerinə yetirirdi. Amma ruhu mətbəxdə deyil tamam basqa yerlərdə gəzirdi.Elvin onun ruhuna sahib ola bilməyəcəyini indi daha yaxşı anlayırdı. İclas bitər-bitməz Yaşar atası ilə birlikdə onun otağına yol almışdı. Bütün iclas boyu oğlunun ona nə isə demək istədiyini çox yaxşı görən Fateh də narazılıq etməmişdi. -Hə, nə baş verib?- Fateh kreslosunda yerini rahatladı. -Ata, mən Türkiyədəki filialın bütün işlərini Ayaza təhvil vermişəm. -Bilmək olar niyə? -Hələki Türkiyəyə qayıda bilməyəcəyəm. -Səbəb? -Ata, bir ildir oradayam. Edə biləcəyim hər şeyi etmişəm. Şükür, hər şey də yağ kimi gedir. Mənə elə də ehtiyac qalmayıb. Ayaz hər şey haqqında məlumatlıdır. Məndən də yaxşı aparacaq işləri, inan mənə. -Yaşar, səni oraya göndərmə səbəbim yadındadır yəqin ,hə?- Fateh irəli gəldi və əllərini iş masası üzərinə qoyaraq